فراكسیۆنه‌ كوردستانییه‌كان: هه‌رێم و عیراق پابه‌ندی یاسای بودجه‌بن

.

فراكسیۆنه‌ كوردستانییه‌كان له‌ به‌غدا، راگه‌یه‌نراوێكیان بڵاوكرده‌وه‌و داوا له‌ حكومه‌تی هه‌رێم و به‌عدا ده‌كه‌ن پابه‌ندی یاسای بودجه‌ بن.

ئه‌مشه‌و 21-1-2019، راگه‌یه‌نراوێكیان بڵاوكرده‌وه‌و ته‌ئكید ده‌كه‌نه‌وه‌ له‌سه‌ر ئه‌وه‌ی هه‌وڵه‌كانیان بۆ به‌ده‌ستهێنانی مافه‌ كانی خه‌ڵكی كوردستان ده‌خه‌نه‌گه‌ڕ.
هه‌رله‌و راگه‌یه‌نراوه‌دا فراكسیۆنه‌ كوردستانییه‌كان داوا له‌ حكومه‌تی هه‌رێم و حكومه‌تی عیراق ده‌كه‌ن پابه‌ندی یاسای بودجه‌بن، هه‌روه‌ها جه‌خت له‌سه‌ر گرنگی هه‌ماهه‌نگی نێوان نوێنه‌رانی كوردو حكومه‌تی هه‌رێم ده‌كه‌نه‌وه‌، رایده‌گه‌یه‌نن كه‌ كۆكن له‌سه‌ر شه‌فافیه‌ت له‌ دۆسییه‌ی نه‌وت له‌ عیراق و هه‌رم و ناوچه‌ دابڕێنراوه‌كان.

 له‌ راگه‌یه‌نراوه‌كه‌ی فراكسیۆنه‌ كوردستانییه‌كان ئاماژه‌ به‌وه‌دراوه‌، رێكه‌وتن له‌سه‌ر به‌رده‌وامی كۆبوونه‌وه‌ هاوبه‌شه‌كان به‌ شێوه‌ی مانگانه‌ بكرێت.

PUKmedia