كۆسره‌ت ره‌سوڵ: چاره‌سه‌ری كێشه‌ی كورد په‌یوه‌سته‌ به‌ كه‌ركوكه‌وه‌

.

ئه‌مڕۆ 21-1-2019، له‌ شاری سلێمانی كۆسره‌ت ڕه‌سول عه‌لی جێگری سكرتێری گشتی یه‌كێتی نیشتمانی كوردستان به‌ ئاماده‌بوونی ئاسۆ مامه‌ند ئه‌ندامی مه‌كته‌بی سیاسی و لێپرسراوی مه‌ڵبه‌ندی كه‌ركوك پێشوازی كرد له‌ ژماره‌یه‌ك پیاوماقوڵ و سه‌رۆك عه‌شیره‌تی كه‌ركوك و ده‌وروبه‌ری.

له‌ دیداره‌كه‌دا گفتوگۆكرا له‌باره‌ی دۆخی كه‌ركوك و داوای ئاساییكردنه‌وه‌ی دۆخی شاره‌كه‌ كراو هه‌موو لایه‌ك كۆك و هاوڕابوون له‌سه‌ر گێڕانه‌وه‌ی حوكمی یاسا بۆ كه‌ركوك و ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم.

هه‌ر له‌ دیداره‌كه‌دا وه‌فدی میوان داواكارییه‌كانیان ڕوو له‌ یه‌كێتی كردو داوایان كرد هه‌موو هه‌وڵێك بخرێته‌ گه‌ڕ بۆ چاره‌سه‌ری سه‌رجه‌م كێشه‌و گرفته‌كانی كه‌ركووك و ده‌وروبه‌ری.

كۆسره‌ت ڕه‌سول بۆ وه‌فدی میوان باسی له‌گرنگی كه‌ركووك بۆ كوردو یه‌كێتی كردو دووپاتیكرده‌وه‌ چاره‌سه‌ری كێشه‌ی بنه‌ڕه‌تی كورد له‌ ناوچه‌كه‌ په‌یوه‌سته‌ به‌كێشه‌ی كه‌ركوكه‌وه‌.

PUKmedia