riklam

ئیسرائیل گه‌وره‌ترین هێرش ده‌كاته‌ سه‌ر سه‌ربازگه‌كانی ئێران

جیهان 01:11 PM - 2019-01-21
.

.

سه‌عاته‌كانی سه‌ره‌تای رۆژی دوو شه‌ممه‌، موشه‌ك هاوێژه‌كانی ئیسرائیل گه‌وره‌ترین هێرشیان كرده‌ سه‌ر سه‌ربازگه‌كانی ئێران له‌ناو خاكی سوریا، له‌ده‌وروبه‌ری دیمه‌شی پایته‌ختی سوریا.

 

هاوشێوه‌ی نه‌بووه‌

وه‌زاره‌تی به‌رگری ئیسرائیل، جگه‌ به‌سه‌ركه‌وتووی وه‌سفكردنی ئه‌و هێرشانه‌، ئاماژه‌ی به‌وه‌داوه‌:" گه‌وره‌ترین هێرشیان كردوه‌ته‌ سه‌ر سه‌ربازگه‌كانی سوپای قودسی ئێران له‌ناو خاكی سوریا".

 

جه‌ختیانكردوه‌ته‌وه‌:" هێرشه‌كه‌یان له‌ماوه‌ی رابردوودا هاوشێوه‌ی نه‌بووه‌".

 

هه‌ڕه‌شه‌ له‌رژێم ده‌كات 

وه‌زاره‌تی به‌رگری ئیسرائیل پێش ئه‌نجامدانی هێرشه‌كانی بۆ سه‌ر سه‌ربازگه‌كانی سوپای قودس، هۆشدایان به‌رژێمی سوریا داوه‌، كه‌ به‌هیچ شێوه‌یه‌ك كاردانه‌وه‌ی نه‌بێت.

له‌به‌رامبه‌ریشدا زیاتر له‌ 10 دژه‌ موشه‌كی سوریا له‌دیمه‌شقی پایته‌ختی ئاماده‌باشیان هه‌بووه‌ بۆ ئه‌و هێرشانه‌.

ئیگوای ئدرعی، وته‌بێژی سوپای ئیسرائیل، له‌تویتێكیدا، وتوویه‌تی:" بۆردومانه‌كانیان بۆ سه‌ر پێگه‌كانی سوپای قودس بووه‌".

هاوكات هۆشداریداوه‌ته‌وه‌ رژێمی سوریا.

 

ئامانجه‌كه‌ی ئیسرائیل چی بووه‌؟

پێگه‌ی ئیسنای ئێرانی، له‌راپۆرتێكیدا، ئه‌وه‌ی خستووه‌ته‌ڕوو، ئامانجی سه‌ره‌كی ئیسرائیل له‌و بۆردومانانه‌ فڕۆكه‌ خانه‌ سه‌ربازیه‌كانی سوعله‌ بووه‌ له‌باشوری سوریا.

وه‌ڵامدراونه‌ته‌وه‌

وه‌زاره‌تی به‌رگری سوریا، له‌دوای هێرشه‌كانی ئه‌مشه‌وی ئیسرائیل بۆ سه‌ر سه‌ربازگه‌كانی ئێران له‌ ده‌وروبه‌ری دیمه‌شق له‌ناوچه‌كانی" كه‌سوه‌و قه‌نیته‌ره‌، ئاشكرایكردوه‌:" له‌لایه‌ن موشه‌ك هاوێژه‌كانی ئیسرائیله‌وه‌ هێرشكراوه‌ته‌ ده‌وروبه‌ری دیمه‌شقی پایته‌خه‌ت".

 

باسله‌وه‌شكراوه‌:" دژه‌ موشه‌كه‌كانی سوریا وه‌ڵامی ئه‌و موشه‌كانه‌یان داوه‌ته‌وه‌و به‌شێكیان لێ گه‌ڕاندونه‌ته‌وه‌و تێكیان شكاندوون".

 

چوار سه‌رباز كوژراون

به‌بێ ئه‌وه‌ی ئاماژه‌ به‌ زیانه‌كانی سوپای قودسی ئێران بكرێت، ناوه‌ندی لێكۆڵینه‌وه‌ی سه‌ربازی روسیا، كوژرانی چوار سه‌ربازی له‌و هێرشانه‌ی ئیسرائیل راگه‌یاند.

 

هه‌روه‌ها له‌به‌شێكی تر له‌زانیاریه‌كانی ئه‌و ناوه‌نده‌، دژه‌ موشه‌كه‌كانی سوریا، 30 موشه‌كی ئیسرائیلیان تێكشكاندوه‌.

 

ناوه‌ندی هه‌واڵگری بۆردومان كراوه‌

ده‌زگا ره‌سمیه‌كانی حكومه‌تی ئیسرائیل، ناوی ئه‌و شوێنانه‌یان ئاشكراكردوه‌ كه‌ بۆردومانیان كردون.

 

به‌پێی زانیاریه‌كان، ناوه‌ندی هه‌واڵگری سوپای قودس و كۆگای چه‌ك و ته‌قه‌مه‌نی و شوێنی مه‌شقه‌ سه‌ربازیه‌كان به‌كه‌ره‌سته‌كانیانه‌وه‌ بۆردومان كراون و زیانی زۆریان پێگه‌یاندون.

 

فڕۆكه‌ سیخوڕیه‌كانی ئیسرائیل چاودێری ده‌كه‌ن 

پێگه‌ی مه‌یادین، زانیاری وردی ئاشكراكردوه‌، له‌وه‌ی كه‌ له‌كاتی بۆردومانه‌كان و دوابه‌دوای بۆردومانه‌كان، فڕۆكه‌ سیخوڕیه‌كانی ئیسرائیل له‌به‌رزاییه‌كانی به‌قاع و جۆلان ده‌ستیان به‌لێكۆڵینه‌وه‌و كۆكردنه‌وه‌ی زانیاری كردوه‌.

 

 

 

PUKmedia ئاماده‌كردنی: سامان یاروه‌یس

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket