دیاله‌ ..سزای له‌سێداره‌دان بۆ سێ تۆمه‌تبار ده‌رده‌كرێت

.

له‌لایه‌ن دادگای تاوانه‌كانی دیاله‌وه‌ سزای له‌سێداره‌دان بۆ سێ تاوانبار به‌مادده‌ی تیرۆرو كوشتن ده‌رده‌كرێت.

سه‌رچاوه‌یه‌كی تایبه‌ت له‌ دادگای تاوانه‌كانی دیاله‌ به‌ PUKmedia ی راگه‌یاند: دوێنێ یه‌ك شه‌ممه‌ له‌لایه‌ن دادگای تاوانه‌كانی دیاله‌، سزای له‌سێداره‌دان بۆ سێ تاوانبار ده‌ركرا.

وتیشی: ئه‌و سێ تاوانباره‌ به‌مادده‌ی تیرۆرو كوشتن له‌سنوری پارێزگای دیاله‌ دادگای كراون و یه‌كێكیان ته‌مه‌نی 17 ساڵانه‌.

سه‌رچاوه‌كه‌ ئاماژه‌ی به‌وه‌شدا: زیاتر له‌ هه‌زار تاوانبار به‌مادده‌ی تیرۆر له‌دادگای تاوانه‌كانی دیاله‌ دانیشتنه‌كانیان له‌ماوه‌ی ئه‌م چه‌ند مانگه‌دا به‌ڕێوه‌ده‌چێت، كه‌ به‌شێكی زۆریان سه‌ربه‌گروپی تیرۆرستی داعشبوون.

PUKmedia سامان یاروه‌یس