ده‌نگ له‌سه‌ر پڕۆژه‌ یاسای بودجه‌ ده‌درێت

.

سبه‌ینێ سێشه‌ممه‌ 22-1-2019، ئه‌نجومه‌نی نوێنه‌رانی عیراق كۆده‌بێته‌وه‌و بڕیاره‌ له‌و كۆبوونه‌وه‌یه‌دا ده‌نگ له‌سه‌ر پڕۆژه‌ یاسای بودجه‌ی گشتی 2019 بدرێت.

له‌و باره‌یه‌وه‌ شیروان میرزا ئه‌ندامی لیژنه‌ی دارایی له‌ ئه‌نجومه‌نی عیراق به‌ PUKmedia ی راگه‌یاند: سبه‌ینێ سێشه‌ممه‌ 22-1-2019 ئه‌نجومه‌نی نوێنه‌رانی عیراق كۆده‌بێته‌وه‌و ده‌نگ له‌سه‌ر پڕۆژه‌ یاسای بودجه‌ی گشتی 2019 بدات.

هه‌رله‌باره‌ی هه‌وڵه‌كانیان بۆ جێگیركردنی مووچه‌ی فه‌رمانبه‌ران و پێشمه‌رگه‌ش له‌ناو پرۆژه‌ یاساكه‌دا ئه‌وه‌ی ئاشكراكرد، هه‌وڵه‌كانیان له‌پێناو مووچه‌ی فه‌رمانبه‌ران و پێشمه‌رگه‌و پاره‌ی جوتیاران به‌رده‌وامه‌و له‌ڕێككه‌وتنی كۆتایی له‌سه‌ر مووچه‌ی فه‌رمانبه‌ران و پێشمه‌رگه‌ی هه‌رێم نزیكبوینه‌ته‌وه‌، هه‌وڵده‌ده‌ین له‌ دانیشتنی سبه‌ینێی نوێنه‌ران پڕۆژه‌ یاساكه‌دا په‌سه‌ند بكرێت.

شیروان میرزا وتیشی: سه‌باره‌ت به‌پاره‌ی گه‌نمی جوتیارانیش تێكستی ده‌قێك ئاماده‌كراوه‌ تا وه‌زاره‌تی دارایی عیراق پاره‌ی (2014، 2015، 2016)ی  گه‌نمی جوتیاران بدات، به‌ڵام هێشتا خاڵه‌ ناكۆكه‌كانمان له‌گه‌ڵ لایه‌نه‌كانی تر چاره‌سه‌ر نه‌كراون.

PUKmedia تایبه‌ت