به‌تۆمه‌تی دزینی ئۆتۆمبێل هاووڵاتیه‌ك ده‌ستگیركرا

.

له‌لایه‌ن هێزه‌كانی پۆلیسی كه‌لاره‌وه‌،هاووڵاتیه‌ك به‌تۆمه‌تی دزینی ئۆتۆمبێل ده‌ستگیركرا.

پۆلیسی گه‌رمیان له‌راگه‌یه‌ندراوێكدا، ئاشكرایكردوه‌:" شه‌وی ڕابردو هاوڵاتیه‌ك سكاڵای هێنایه‌لای پۆلیس و ئاگاداری كردینه‌وه‌ له‌پێش ده‌رگای ماڵی خۆیان له‌گه‌ڕه‌كی ئازادی قه‌زای كه‌لار ئۆتۆمبێله‌كه‌یان له‌جۆری مارسیدس دزیوه‌ ده‌ست به‌جێ پۆلیس ده‌ستی به‌لێكۆڵینه‌وه‌كرد".

رونیشكراوه‌ته‌وه‌:" هه‌ر ئه‌مشه‌و مه‌فره‌زه‌كانی 104ی كه‌لار و بنكه‌ی پۆلیسی كه‌لار توانیان تۆمه‌تبارو ده‌ستگیربكه‌ن و ده‌ست به‌سه‌ر ئۆتۆمبێلی ناوبراودا بگرن له‌ئێستادا به‌بڕیاری دادوه‌رو به‌پێی ماده‌ی 444 تۆمه‌تبار به‌ندكراوه‌".

PUKmedia راگه‌یاندنی پۆلیسی گه‌رمیان