نه‌خۆشخانه‌ی شۆڕش: هه‌زاران پشكنینی شێرپه‌نجه‌ كراوه‌

.

به‌ڕێوه‌به‌ری نه‌خۆشخانه‌ی شۆڕش ڕایگه‌یاند: له‌ساڵی 2018 دا زیاتر یه‌ ك ملیۆن و 110 هه‌زار نه‌خۆش ته‌نها له‌ ده‌وامی به‌یانیان سه‌ردانی ئه‌و نه‌خۆشخانه‌یان كردووه‌.

ئه‌مڕۆ یه‌كشه‌ممه‌20-1-2019 د. شه‌ماڵ جه‌بار یاوه‌ر به‌ڕێوه‌به‌ری نه‌خۆشخانه‌ی شۆڕش له‌ كۆنفرانسێكی ڕۆژنامه‌وانیدا ئامار كار و چالاكییه‌كانی ئه‌و نه‌خۆشخانه‌یه‌ی له‌ساڵی 2018 خسته‌ڕوو و ئاشكرای كرد كه‌ ته‌نها له‌ساڵی 2018 دا 9413 پشكنینی شێرپه‌نجه‌ بۆ نه‌خۆشه‌كان له‌نه‌خۆشخانه‌ی شۆڕش كراون.
 وتیشی: 2695 نه‌شته‌رگه‌ری گه‌وره‌ و 4497 نه‌شته‌رگه‌ری ناوه‌ند بۆ نه‌خۆشه‌كان كراوه‌. له‌باره‌ی هێڵكاری دڵ 33846 نه‌خۆش هێڵكاری دڵی بۆ كراوه‌، 18414 نه‌خۆش سۆنه‌ری بۆ كراوه‌. له‌ به‌شی پشكنینی تاقیگه‌یی 409961 پشكنینی تاقیگه‌یی بۆ نه‌خۆشه‌كان كراوه‌. 44860 تیشك بۆ نه‌خۆشه‌كان كراوه‌.

به‌ڕێوه‌به‌ری نه‌خۆشخانه‌ی شۆڕش وتیشی: له‌به‌شی دان 18544 نه‌خۆش كاری بۆ كراوه‌، 166115 كه‌س ته‌داوی و ده‌رزی بۆ كراوه‌.

له‌به‌شی چاو 7030 نه‌خۆش له‌خزمه‌تگوزارییه‌كان سوودمه‌ند بوون، له‌به‌شی پێست 9947 نه‌خۆش كاری بۆ كراوه‌. 93747 كه‌س سه‌ردانی به‌شی فریاكه‌وتنیان كردووه‌، 482 نازۆڕ  و 3393 سكان بۆ نه‌خۆشه‌كان كراوه‌. 1071 نه‌خۆش شۆردنی گورچیله‌ی بۆ كراوه‌.

لیژنه‌ی سه‌ربازی 970 كاری كردووه‌ و لیژنه‌ی تایبه‌تی ده‌زگای پێشمه‌رگه‌ و وه‌زاره‌تی پێشمه‌رگه‌ پێداچوونه‌وه‌ بۆ 6150 كه‌مئه‌ندامی شاخ كردووه‌.

9413 نه‌خۆش پشكنینی شێرپه‌نجه‌یان بۆ كراوه‌.

PUKmedia