500 هه‌زار خۆپیشانده‌ر له‌ هندستان هاتنه‌ سه‌رشه‌قام

.

نیو ملیۆن كه‌س له‌دژی بڕیارێكی ناریندرا مودی سه‌رۆك وه‌زیرانی هندستان خۆپیشاندان ئه‌نجامداو داوا ده‌كه‌ن هه‌ڵبژاردنه‌ گشتییه‌كه‌ی وڵاته‌كه‌یان له‌كاتی خۆیدا ئه‌نجامبدرێت.

ئه‌مڕۆ شه‌ممه‌ 19-1-2019  له‌دژی دواكه‌وتنی هه‌ڵبژاردنی گشتی له‌ وڵاتی هندستان، 500 هه‌زار كه‌س كه‌ ژماره‌یه‌ك له‌حزبه‌ ناڕازییه‌كانیشیان له‌گه‌ڵدابوو له‌پارێزگای كالكوتا خۆپیشاندانیان ئه‌نجامداو دوایانكرد رێگه‌ نه‌درێت پێشێلی یاسا بكرێت و هه‌ڵبژاردنی گشتی دوابخرێت.

له‌خۆپیشاندانه‌كه‌دا به‌یاننامه‌یه‌ك خوێنرایه‌وه‌و هۆشداری درایه‌ حكومه‌تی ئێستای ئه‌و وڵاته‌ كه‌ رێگه‌نه‌دات هه‌ڵبژاردنی گشتی دوابخرێت.

به‌پێی روونكردنه‌وه‌یه‌كیش كه‌ پۆلیسی ئه‌و شاره‌ بڵاویكردوه‌ته‌وه‌ بۆ پاراستنی گیانی خۆپیشانده‌ران نزیكه‌ی 5 هه‌زار پۆلیس به‌شداری پاراستنی ئارامی شوێنی خۆپیشاندانه‌كه‌یان كردوه‌.

PUKmedia سكای نیوز