10 ھه‌فته‌یه‌ خۆپیشاندانی ھێله‌ك زه‌رده‌كان به‌رده‌وامه‌

.

ئه‌مڕۆ 19-1-2019، بۆ ھه‌فته‌ی ده‌یه‌م، ھێله‌ك زه‌رده‌كانی فه‌ره‌نسا ڕژانه‌وه‌ سه‌ر شه‌قامه‌كان و له‌ دژی حكومه‌ت دروشمیان به‌رزكرده‌وه‌.

خۆپیشاندانی ھێله‌ك زه‌رده‌كان جگه‌ له‌ پاریسی پایته‌خت چه‌ند شارێكی تری فه‌ڕه‌نساشی گرته‌وه‌و حكومه‌تیش ھێزێكی ئه‌منی زۆری بڵاوكردووه‌ته‌وه‌، خۆپیشانداكه‌، ھاوكاته‌ له‌گه‌ڵ په‌یامه‌كه‌ی ئمانوێل ماكرۆن سه‌رۆكی فه‌ڕه‌نسا، سه‌باره‌ت به‌ كۆتاییھێنان به‌ خۆپیشاندانی ھێله‌ك زه‌رده‌كان.

ماكرۆن په‌یامه‌كه‌ی به‌ ناونیشانی گفتوگۆی نه‌ته‌وه‌یی بڵاوكرده‌وه‌و داوایكردووه‌، زۆرترین كه‌س له‌و گفتوگۆیه‌دا به‌شداری بكه‌ن بۆ ئه‌وه‌ی بتوانرێت له‌سه‌ر ئه‌و بنه‌مایه‌ كاره‌كانی ده‌وڵه‌ت و حكومداری رێكبخرێنه‌وه‌.

ماوه‌ی 10 ھه‌فته‌یه‌ ھه‌زاران ھاووڵاتی فه‌ڕه‌نسا به‌ ھۆی خراپیی گوزه‌ران و زیادبوونی رێژه‌ی باج له‌سه‌ریان له‌ پاریس و ژماره‌یه‌ك شاری تری فه‌ڕه‌نسا ده‌ستیانكردووه‌ به‌ خۆپیشاندان.

PUKmedia ئاژانسه‌كان