ئەمریكا لێكۆڵینەوە لە تەقینەوەكەی مەنبەج دەكات

.

تیمێكی دەزگای لێكۆڵینەوەی فیدراڵی ئەمریكا بۆ لێكۆڵینەوە لە تەقینەوەكەی مەنبەج دەگاتە ئەو شارە. 

چەند لێپرسراوێكی ئەمریكا بەدووری نازانن گروپی تیرۆریستیی داعش تەقینەوەكەی مەنبەجی ئەنجامدابێت.

روانگەی سوریا بۆ مافەكانی مرۆڤ بڵاویكردەوە، تیمێكی تایبەتی (FBI) گەیشتونەتە مەنبەج بۆ لێكۆڵینەوە لە تەقینەوەكەی رۆژی چوارشەممە كە بەھۆیەوە 18 كەس گیانیان لەدەستدا كە 4یان سەربازی ئەمریكی بوون.

لەلایەكی ترەوە، دوو سەرچاوە حكومەتی ئەمریكاوە، ئاشكرایان كردووە، پنتاگۆن لێكۆڵینەوەكانی لە تەقینەوەكە دەستپێكردووە و بەدووریشی نازانێت داعش بەرپرسیارێتی خۆی لەتەقینەوەكە رابگەیەنێت.

PUKmedia  كوردسات نیوز