فراكسیۆنی یەكێتی دەنگۆی رێككەوتن لەسەر كاندیدی وەزارەتی داد رەتدەكاتەوە

.

سەبارەت بە بڵاوكردنەوەی دەنگۆیەكی ناڕاست و رێككەوتنی یەكێتی لەگەڵ پارتی لەسەر پرسی هەڵبژاردنی كاندیدێك بۆ وەزارەتی داد، فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق روونكردنەوەیەكی بڵاوكردەوە.

دەقی روونكردنەوەكە...

لە چەند لایەك و ئاژانسێكی هەواڵەوە بڵاوبووەتەوە كە یەكێتیی نیشتمانی كوردستان و پارتی دیموكراتی كوردستان لەسەر كاندیدێكی بێ لایەن رێككەوتوون بۆ پۆستی وەزارەتی داد لە حكومەتەكەی عادل عەبدولمەهدی.

بۆ هەموو لایەكی رادەگەیەنین كە ئەم هەواڵە سەرلەبەری ناراستە و سەرچاوەكەی چەواشەكارە و لەلایەن یەكێتیی نیشتمانیی كوردستان هیچ رێكەوتنێكی لەو جۆرە نەبووە و نییە، یەكێتی ئەو پۆستە بە مافی تەواوی خۆی دەزانێت و سوورە لەسەر داكۆكیكردن لەم مافە و هەر بۆ رەتكردنەوەی ئەو هەواڵە نادروستە ئەم روونكردنەوەیەمان بە پێویست زانی.

PUKmedia تایبەت