تره‌مپ باری نائاسایی بۆ ساڵێك درێژكرده‌وه‌

.

به‌ھۆی به‌رده‌وامیی چالاكییه‌كانی گروپه‌ تیرۆرستییه‌كانه‌وه‌ له‌رۆژھه‌ڵاتی ناوه‌ڕاست، دۆناڵد تره‌مپ باری نائاسایی له‌ ئه‌مریكا درێژكرده‌وه‌.

به‌پێی راگه‌یه‌ندراوێكی كۆشكی سپی، به‌ھۆی به‌رده‌وامیی چالاكی تیرۆرستانه‌وه‌، ھه‌ڕه‌شه‌كان له‌سه‌ر پرۆسه‌ی ئاشتی له‌ رۆژھه‌ڵاتی ناوه‌ڕاست به‌رده‌وامه‌و ئه‌وه‌ش مه‌ترسی له‌سه‌ر ئاسایشی نه‌ته‌وه‌یی و سیاسه‌تی ده‌ره‌وه‌ و ئابوری ئه‌مریكا دروست ده‌كات، بۆیه‌ دۆناڵد تره‌مپ سه‌رۆكی ئه‌مریكا بڕیاریداوه‌ به‌ درێژكردنه‌وه‌ی جێبه‌جێكردنی باری نائاسایی كه‌ له‌ 23 ی كانونی دوه‌می ساڵی 1995 ه‌وه‌ له‌ ئه‌مریكا راگه‌یه‌ندراوه‌، ئاماژه‌ بۆ ئه‌وه‌شكراوه‌، باری نائاسایی له‌ ئه‌مریكا بۆ ماوه‌ی یه‌ك ساڵ درێژ ده‌كرێته‌وه‌.

PUKmedia ئاژانسه‌كان