riklam

سێ سه‌رۆكایه‌تیه‌كه‌ی عیراق كۆده‌بنه‌وه‌

عیراق 11:16 PM - 2019-01-16
.

.

هه‌ر سێ سه‌رۆكایه‌تی كۆبوونه‌وه‌: ته‌ئكید له ‌په‌سه‌ندكردنی بودجه‌ی گشتی كرایه‌وه‌ دوای گۆڕانكاری پێویست

ئه‌مڕۆ چوار شه‌ممه‌ ١٦|١|٢٠١٩ له‌ كۆشكی سه‌لام له‌ به‌غدا به ‌به‌شداری سه‌رۆك كۆمار د. به‌رهه‌م ساڵح و سه‌رۆكی ئه‌نجومه‌نی وه‌زیران د. عادل عه‌بدولمه‌هدی و سه‌رۆكی ئه‌نجومه‌نی نوێنه‌ران محه‌مه‌د حه‌لبوسی سێ سه‌رۆكایه‌تییه‌كه‌ كۆبوونه‌وه‌.

 

له‌ كۆبوونه‌وه‌كه‌د سه‌باره‌ت به دۆخی سیاسی و ئاسایش و نزیككردنه‌وه‌ی دید و بۆچوونی لایه‌نه‌کان و دورخستنه‌وه‌ی شه‌قام له‌ گرژی و ئاڵۆزیه‌ سیاسیه‌كان بیروڕا ئاڵوگۆڕكرا.

 

هه‌روا هه‌ر سێ سه‌رۆكایه‌تییه‌كه‌ ته‌ئكیدیان له‌ په‌سه‌ندكردنی بودجه‌ی گشتی كرده‌وه‌ دوای گۆڕانكاری پێویست و كارئاسانی دام و ده‌زگاكانی ده‌وڵه‌ت بۆ پێشكه‌شكردنی خزمه‌تگوزارییه‌كان به‌ هاووڵاتیان‌‌، هاوكات له ‌كۆبوونه‌وه‌كه‌دا جه‌خت كرایه‌وه‌ بۆ كاری هاوبه‌ش له ‌پێناوی سه‌رخستنی كارنامه‌ی حكومه‌ت و پشتیوانی له ‌سه‌رۆكی ئه‌نجومه‌نی وه‌زیران له ‌جێبه‌جێكردنی ئه‌ركه‌كه‌یدا و ته‌واوكردنی كابینه‌ی حكومه‌ت هه‌روه‌ها ته‌ئكید له‌سه‌ر پابه‌ندبوو به‌ ده‌ستوور کرایه‌وه‌.

 

هه‌ر له‌میانه‌ی كۆبوونه‌وه‌كه‌دا باس له‌ ئه‌نجامی سه‌ردانه‌كه‌ی پادشای ئوردن و شاندی باڵای وڵاتان بۆ عێراق كرا، سه‌ره‌ڕای ڕۆڵی عێراق له‌ به‌رجه‌سته‌كردنی ئاشتی و سه‌قامگیری ناوچه‌كه‌ و سیاسه‌تی كرانه‌وه‌ی په‌یوه‌ندییه‌كانی له‌گه‌ڵ وڵاتانی تر به‌جۆرێك كه‌ سه‌روه‌ری نیشتمانی پارێزراو بێت و خزمه‌ت به‌ به‌رژه‌وه‌ندی هاوبه‌ش بكات.

 

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket