سه‌رۆك كۆمار پێشوازیكرد له‌ ژماره‌یه‌ك كه‌سایه‌تی توركمانی كرد

.

ئه‌مڕۆ سێشه‌ممه‌ 15-1-2018 د. به‌رهه‌م ساڵح  سه‌رۆك كۆماری عیراق له‌ كۆشكی سه‌لام له‌ ‌به‌غدا پێشوازیكرد له‌ شێخ ته‌قی مه‌ولا و ژماره‌یه‌ك كه‌سایه‌تی پێكهاته‌ی توركمانی.

له‌‌میانی دیداره‌كه‌دا سه‌رۆك به‌رهه‌م ساڵح جه‌ختی له‌ به‌هێزكردنی یه‌كڕیزی نیشتمانی و بونیادنانی وڵات كرد له‌ رێگه‌ی به‌شداری هه‌موو پێكهاته‌كان بۆ به‌رجه‌سته‌كردنی سه‌قامگیری و فه‌راهه‌م كردنی ئارامی و خۆشگوزه‌رانی بۆ هاووڵاتیان، هاوكات ته‌ئكیدی له‌پاراستنی مافی ته‌واوی پێكهاته‌كان كرده‌وه‌ بۆ پیاده‌كردنی ڕۆڵی كاریگه‌ریان له‌خزمه‌تی عێراقێكی فیدراڵ و دیموكرات و ده‌سته‌به‌ركردنی مافه‌كانی پێكهاته‌ی توركمان.

له‌ لای خۆیانه‌وه‌ ئه‌ندامانی وه‌فده‌كه‌ رێز و سوپاسی خۆیان بۆ سه‌رۆك كۆمار ده‌ربڕی له‌ پای هه‌ڵوێسته‌كانی له‌ پشتگیری توركمان و پێكهاته‌كانی تر به‌ گوێره‌ی ده‌ستوور، هه‌روه‌ها پشتیوانی خۆیان بۆ جێبه‌جێكردنی كارنامه‌ی حكومه‌ت دووپات كرده‌وه‌.

PUKmedia راگه‌یاندنی سه‌رۆكایه‌تی كۆمار