وه‌زیری ده‌ره‌وه‌ی ئێران گه‌یشته‌ سلێمانی

.

وه‌زیری ده‌ره‌وه‌ی ئێران به‌ یاوه‌ری وه‌فدێكی باڵای سیاسی و بازرگانی گه‌یشته‌ شاری سلێمانی.

كه‌مێك پێش ئێستا محه‌مه‌د جه‌واد زه‌ریف وه‌زیری ده‌ره‌وه‌ی ئێران  به‌ یاوه‌ری وه‌فدێكی باڵای سیاسی و بازرگانی گه‌یشته‌ فڕۆكه‌خانه‌ی نێوده‌وڵه‌تی  سلێمانی و له‌لایه‌ن قوباد تاڵه‌بانی جێگری سه‌رۆكی حكومه‌ت و ژماره‌یه‌ك له‌به‌رپرسانی حكومی و حزبی پێشوازی  لێكرا.

بڕیاره‌ دواتر كۆڕبه‌ندێكی بازرگانی هاوبه‌ش له‌نێوان كۆماری ئیسلامی ئێران و هه‌رێمی كوردستان له‌ سلێمانی به‌ڕێوه‌بچێت.

هه‌روه‌ها بڕیاریشه‌ محه‌مه‌د جه‌واد زه‌ریف وه‌زیری ده‌ره‌وه‌ی كۆماری ئیسلامی ئێران زنجیره‌ دیدارێكی سیاسی له‌سلێمانی ئه‌نجام بدات.

به‌یانی ئه‌مڕۆ سێشه‌ممه‌ 15-1-2019 وه‌زیری ده‌ره‌وه‌ی ئێران گه‌یشته‌ هه‌ولێر و له‌گه‌ڵ نێچیرڤان بارزانی سه‌رۆكی حكومه‌ت و قوباد تاڵه‌بانی جێگری سه‌رۆكی حكومه‌تی هه‌رێمی كوردستان كۆبوه‌وه‌.

 PUKmedia  تايبه‌ت