منبج ..هێزه‌كانی ئه‌مریكا له‌ناوچه‌كه‌دان

.

دوای چه‌ند هه‌فته‌یه‌ك له‌دوای بڕیاره‌كه‌ی دۆناڵد ترامپ سه‌رۆك كۆماری ئه‌مریكا له‌سه‌ر كشانه‌وه‌ی هێزه‌كانیان له‌ رۆژئاوای كوردستان،دۆخی هێزه‌كانی ئه‌مریكا له‌ منبج له‌ناوچه‌كه‌ ئاساییه‌.

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند:هێزه‌كانی ئه‌مریكا له‌ته‌واوی سه‌ربازگه‌كانیان له‌منبج و ده‌وروبه‌ری هه‌روه‌ك خۆیان ماون و هیچ گۆڕانكاریه‌كیان پێ نه‌كراوه‌.

وتیشی: ته‌نانه‌ت چه‌ك و ته‌قه‌مه‌نی و ئامرازی نوێی جه‌نگیشیان بۆ هاتووه‌و رۆژانه‌ش ئه‌ركه‌كانی خۆیان له‌ناوچه‌كه‌دا راده‌په‌ڕێنن.

رونیشكرده‌وه‌: دۆخی ناوچه‌كه‌ زۆر ئاساییه‌و هه‌ماهه‌نگی و كاری هاوبه‌شی ئه‌نجومه‌نی سه‌ربازی و سوپای ئه‌مریكا به‌رده‌وامی هه‌یه‌.

PUKmedia سامان یاروه‌یس