ئەنجومەنی پارێزگای سلێمانی لە شكستی پرۆژەیەك دەپێچێتەوە

.

ئەنجومەنی پارێزگای سلێمانی لەسەر شكستی پرۆژەیەك بانگهێشتی بەڕێوەبەری گشتی كارەبای سلێمانی دەكات.

سه‌رچاوه‌یه‌ك بە PUKmedia ی راگەیاند: بۆ لێپێچینەوە لەسەر چەند وتەیەكی بەڕێوەبەری گشتی كارەبای سلێمانی كە لە ئەكاونتی خۆی بڵاویكردووەتەوە، بە نوسراوێكی رەسمی ئەنجومەنی پارێزگای سلێمانی بانگهێشتی بەڕێوەبەری گشتی كارەبای سلێمانی دەكات.

وتیشی: لێپێچینەوەەكە تایبەتە بە خراپی و شكستی جێبەجێكردنی پرۆژەی 20 ئەمپێری لە زۆر جێگا و نەگۆڕانی دۆخی كارەبا لە ناوچەكانی دیكە بەهۆی پرۆژەكەوە، هەروەها باسكردنی ئەنجومەنی پارێزگا بەشێوەی  ناشایستە و سوكایەتی پێكردنی لە لایەن بەڕێوەبەری گشتی كارەبای سلێمانییەوە.

هەروەك بانگهێشتەكە رۆژی 16-1-2019 دەبێت سەعات 10ی سەرلەبەیانی، لەهۆڵی سەرۆكایەتی ئەنجومەن.

PUKmedia  تاژاو محەمەد