PUKmedia یەکێتیی نیشتمانیی کوردستان

چ جۆره‌ حكومه‌تێك پێویسته‌ له‌هه‌رێم؟


12/1/2019 17:55:00
چاپ کردن
بە وێنەوە    بە بێ وێنە
           
.

هیچ كات هێنده‌ی ئه‌م جاره‌ی هه‌ڵبژاردنی په‌ڕله‌مانی كوردستان له‌30/9/2018دا پێكهێنانی حكومه‌ت و كابینه‌ی نوێ دوانه‌كه‌وتوه‌ كه‌ له‌ ئێستادا 100 ڕۆژی ڕێكی تێپه‌ڕاندوه‌،له‌زۆربه‌ی دونیای پێشكه‌وتوو ته‌نانه‌ت دواكه‌وتوشدا ماوه‌ی 100 ڕۆژ دیارده‌كه‌ن بۆ هه‌ڵسه‌نگاندنی یه‌كه‌می هه‌موو حكومه‌ت و ئۆرگانێك بۆئه‌وه‌ی بزانن له‌ماوه‌ی 100 ڕۆژدا چ پلانێكی داناوه‌ و چه‌ند پڕۆژه‌ی جێبه‌جێكردوه‌ و چ خزمه‌تگوزاریه‌كی پێشكه‌ش به‌ جه‌ماوه‌ر و وڵات كردوه‌،به‌م شێوه‌یه‌ ده‌بینین 100 ڕۆژ لای كۆمه‌ڵگا پێشكه‌وتوه‌كان هێنده‌ درێژ و كاریگه‌ر و گرنگه‌  كه‌ 100 ڕۆژ كات و ماوه‌  به‌پێویسته‌ ده‌زانن بۆ هه‌ڵسه‌نگاندن وته‌نانه‌ت لێپرسینه‌وه‌ش،به‌ڵام لای خۆشمان 100 ڕۆژ هیچ به‌هایه‌كی نیه‌،هه‌ربۆیه‌ش ئه‌و كۆمه‌ڵگایانه‌ی ڕێزی كات ده‌گرن هه‌میشه‌ له‌پێشكه‌وتن و گه‌شه‌كردنی به‌رده‌وامدان و ئێمه‌ش هه‌میشه‌ بۆ دواوه‌وه‌ ده‌گه‌ڕێینه‌وه‌.به‌داخه‌وه‌ دوای 100 ڕۆژیش هێشتاش ئاسۆكان ڕوون و نزیك نین بۆ پێكهێنانی كابینه‌ی نوێی حكومه‌ت كه‌ هه‌ر له‌سه‌ره‌تاوه‌ به‌ توندوتیژی و نائومێدی ده‌ستیان پێكرد،له‌گرتنی بێ هۆكاری یاسایی كادر و ئه‌ندامانی یه‌كتر و دواتریش بێ هۆتر ئازادیان كردن،ئه‌م ڕۆحیه‌ت و عه‌قڵیه‌تی بیركردنه‌وه‌ و به‌ڕێوه‌بردنه‌ له‌سه‌ره‌تای ساڵی نوێی 2019 و پێشه‌نگی هه‌نگاوه‌كانی پێكهێنانی كابینه‌ی نۆهه‌م،مایه‌ی خۆشحاڵی و ئومێد هه‌ڵچنینی زۆر نین بۆ 4 ساڵی ئاینده‌.
پرسیار لێره‌دا ئه‌وه‌یه‌ ،كه‌ ئایا هه‌رێمی كوردستان له‌م قۆناغه‌ و بۆ 4 ساڵی ئاینده‌ چ جۆره‌ حكومه‌تێكی پێویسته‌؟ ئه‌منی بێت ؟ یان خزتمه‌تگوزاری و ئاوه‌دانكردنه‌وه‌ بێت؟
به‌دڵنیایی هه‌رێمی كوردستان دوای 4 ساڵ له‌ جه‌نگی تیرۆریستانی داعش و دوای 4 ساڵ له‌ قه‌یرانی دارایی توند كه‌ بۆته‌ هۆی كه‌مبونه‌وه‌ی مووچه‌ و  بودجه‌ و نه‌مانی پڕۆژه‌ ئاوه‌دانیه‌كان و وه‌ستانیان و ئیفلاسبوونی كۆمپانیا و وه‌به‌رهێنه‌كان و هه‌ڵته‌كاندنی ئه‌و ژێرخانه‌ له‌رزۆكه‌ی كه‌ هه‌بوشمان و گه‌ڕانه‌وه‌ی كوردستان بۆ لانی كه‌م 10ساڵ زیاتر له‌ڕووی ئاوه‌دانی و خزمه‌تگوزاری و خۆشگوزه‌رانی و ...هتد.بۆیه‌ هه‌رێم بۆ 4 ساڵی ئاینده‌ پێویستی به‌ قۆناغێكی ئارام و پڕ ئاوه‌دانی و خزمه‌تكردن و چه‌سپاندنی ئاشتی سیاسی و كۆمه‌ڵایه‌تی هه‌یه‌،نه‌ك حكومه‌تێكی ئه‌منی  توند به‌سه‌ر ئازادی هاوڵاتیان و كاری سیاسی و بڵاوكردنه‌وه‌ی ترس و ترۆقاندن و هه‌ڕه‌شه‌ی گرتن و كوشتن و ڕاوه‌دوونان،حكومه‌تێك كه‌ بیر و پلانی ته‌نها له‌ڕووی ئه‌منی و عه‌سكه‌ری و هه‌واڵگریه‌وه‌ بێت ئه‌وه‌ به‌دڵنیایی زۆرینه‌ی بودجه‌ی وڵات بۆ ئه‌و كه‌رته‌ دابین ده‌كات و مه‌نتیقیش واده‌ڵێت كه‌ سه‌رجه‌م كه‌رته‌كانی ئاوه‌دانی و خزمه‌تگوزاری وه‌لاده‌نرێت،وڵات له‌ڕووی ته‌ندروستی و خوێندنی باڵاو و په‌روه‌رده‌ و پیشه‌سازی و كشتوكاڵ و گه‌شتوگوزاره‌وه‌ بۆ دواوه‌ ده‌گه‌ڕێته‌وه‌ و جێگه‌ی گرنگی پێدان نابن.
هه‌موانیش زۆر باش ده‌زانین كه‌ چاره‌نوسی حكومه‌ته‌ ئه‌منی و سه‌ربازی و عه‌قڵ ته‌سك و بێ پلانه‌كانی ئاوه‌دانی و خۆشگوزه‌رانی چی ده‌بێت و چۆن شكست به‌سه‌ر خۆیان و میله‌تیشدا ده‌هێنن،چونكه‌ حكومه‌ته‌ ئه‌منیه‌كان هه‌میشه‌ له‌چوارچێوه‌ی ده‌سه‌ڵاته‌ تاكڕه‌و و خۆسه‌پێن وشمولیی و سه‌ربازیه‌كاندا خۆیان ده‌بیننه‌وه‌ كه‌ چاره‌نوسی هه‌موانیانمان بینی كه‌ چیان به‌سه‌رداهات له‌ڕابووردوویه‌كی نزیكدا..سه‌رده‌م و قۆناغی ئێستا وئاینده‌ش واده‌خوازێت له‌ سه‌رجه‌م سه‌ركرده‌ و پارته‌ سیاسیه‌كان كه‌ براوه‌ی گه‌وره‌ن له‌م هه‌ڵبژاردنه‌ی په‌ڕله‌مانی كوردستاندا كه‌ به‌ عه‌قڵیه‌تێكی كراوه‌ و نه‌رمونیانتر و ئاسۆ فراوانتر و لێپرسراوانه‌تر بیربكه‌نه‌وه‌و پلان و نه‌خشه‌ڕێگا و به‌رنامه‌ی گونجاو دابنێن بۆ زیاتر خزمه‌تكردنی جه‌ماوه‌ر و ناوچه‌ جیاوازه‌كانی هه‌رێمی كوردستان،قۆناغه‌كه‌ واده‌خوازێت هه‌موان پێكه‌وه‌ كاربكه‌ن و هه‌نگاو بۆ پێشه‌وه‌ بنێن، چونكه‌ كوردستان له‌ ئێستادا توانای هه‌ڵگرتنی بار و كێشه‌ وململانێی قورس و مه‌ترسیدار و دووبه‌ره‌كی زیاتر و دووئیداره‌یی و شه‌ڕی ناوخۆ و ئیستیفزازكردنی یه‌كتر ناگرێت،بۆیه‌ ده‌بێت هه‌رچی زووتر هه‌یه‌ سه‌رجه‌م كێشه‌كانی كورد و كوردستان له‌ هه‌رێم و له‌به‌غداد هه‌موانیان پێكه‌وه‌ چاره‌سه‌ر بكرێن و هیچ كام له‌و كێشانه‌ش هێنده‌ سه‌خت نین كه‌ له‌توانادا نه‌بێت چاره‌سه‌ر بكرێن گه‌ر نیه‌تێكی ڕاسته‌قین هه‌بێت بۆ چاره‌سه‌ركردنیان،بۆیه‌ دواخستنی هه‌ر كێشه‌یه‌كیش ده‌بێته‌ هۆی كه‌ڵه‌كه‌بوونی و زیاتر قورسبوونی وپشتگوێخستنیشی،زه‌روره‌ كه‌ هه‌موان به‌گیانێكی نیشتیمانپه‌روارنه‌وه‌ مامه‌ڵه‌ بكه‌ن و تیڕوانینه‌كانیان بخه‌نه‌ سه‌ر مێزی گفتوگۆ،ئه‌وه‌ی كه‌ دوای هه‌مووان بیرلێده‌كه‌نه‌وه‌ پێویسته‌ وه‌ده‌ستهێنانی پله‌و پۆست و ئیمتیازات بێت بۆ ده‌ستڕۆیشتوه‌كانی ناو حیزبه‌كان و به‌رده‌وامبوونیان له‌ده‌سه‌ڵات و خۆشگوزه‌رانیان تا سنوری ئینته‌لاكردن و له‌به‌رامبه‌ریشدا په‌راوێزخستنی كادر و لایه‌نگر و دۆست و كه‌سه‌ ئه‌كادیمیی و سه‌ربه‌خۆكان و ئه‌نجامیش برسیكردنی زیاتری جه‌ماوه‌ر تا سنوری مردن و تاوان و تێكدانی ئاشتی كۆمه‌ڵایه‌تی.
بۆیه‌ گرنگه‌ كه‌ پێكهێنانی كابینه‌ی نۆهه‌می حكومه‌تی هه‌رێم چیدی به‌بیانوی بێ ئه‌زرشه‌وه‌ دوانه‌كه‌وێت و هه‌رێمیش نه‌كه‌وێته‌ بۆشایی سیاسی و ئیداری و یاساییه‌وه‌،له‌كاتێكدا ناوچه‌ و دونیاش له‌سه‌ر ئاگرێكی هێمن ده‌كوڵێن و هه‌موان چاوه‌ڕوانی ته‌قینه‌وه‌ و پێكدادانی زلهێزه‌كانی دونیاو ناوچه‌كه‌ن و كوردیش به‌بێ حكومه‌ت و سه‌رۆك و په‌ڕله‌مان له‌هه‌موان بێخه‌متره‌،له‌گه‌ڵ ئه‌وه‌ی كه‌ مه‌ترسیه‌ گه‌وره‌كان هه‌مووانیان ڕوویان له‌كوردو كوردستانه‌.


نه‌وزادی موهه‌ندیس


PUKmedia

وێنە هەواڵ
  • image04
  • PUKmedia ساڵیادی دامه‌زراندنی كرده‌وه‌

  • image04
  • كۆبوونه‌وه‌ی وه‌فدی باڵای یه‌كێتی و پارتی له‌ سلێمانی

  • image04
  • كوردستان سپی پۆشی

  • image04
  • وه‌زیری ده‌ره‌وه‌ی ئێران گه‌یشته‌ سلێمانی

  • image04
  • سه‌نته‌ری ئۆتیزم له‌سلێمانی كرایه‌وه‌

  • image04
  • به‌فربارین زۆربه‌ی شاره‌كانی هه‌رێمی كوردستانی گرته‌وه‌

  • image04
  • د.بەرهەم ساڵح سەرۆك كۆماری عیراق لەلایەن رەجەب تەیب ئەردۆگانەوە پێشوازی لێكرا

  • image04
  • خۆپیشاندانه‌كان له‌ سودان


                                           

نوێنەری یەكێتی لە سوید: PUKmedia لە خزمەتی بیروباوەڕی جیاوزدایە


سەمیر ئەمین نوێنەری یەكێتیی نیشتمانیی كوردستان لە سوید بە بۆنەی یادی 16 ساڵەی دامەزراندنی سایتی PUKmedia وە پەیامێكی پیرۆزبایی ئاڕستەی سەرنووسەر و ستافی   كۆمیتەی سوید لەگەڵ سەرجەم ئۆرگانەكانی یەكێتی كۆدەبێتەوە
  وەفدێكی كۆمیتەی فینلاند بەشداری یادی دامەرزاندنی حزبی دیموكرات دەكات

                                           

ده‌قی چاوپێكه‌وتنی بافڵ تاڵه‌بانی له‌گه‌ڵ كه‌ناڵی bbc


دوای كۆتایی هێنان به‌ گروپی تیرۆرستی داعش هه‌ندێك باوه‌ڕیان وایه‌ ئه‌وه‌ ته‌نها رێككه‌وتنێكی تره‌ له‌ نێوان ...


  مامۆستایه‌كی زانكۆ به‌ ئۆنلاین وانه‌ ده‌ڵێته‌وه‌
  فه‌رید ئه‌سه‌سه‌رد: حكومه‌تی بێ یه‌كێتی وه‌ك نه‌بوو وایه‌
                                           

PUKmedia شانزە ساڵ راستگۆیی و متمانە

رۆژی 22/1/2019 سایتی پیوكەی میدیا لە كاروانی رۆژنامەگەریی خۆیدا پێدەنێتە 16 ساڵەی تەمەنییەوە.

پیوكەی میدیا وەكو یەكەم سایتی زمانحاڵی حزب لە هەرێمی كوردستان هەر لەرۆژی یە...


  جۆن بۆڵتۆن، پیاوه‌ تیژبینه‌كه‌، یان كابوسه‌كه‌ی توركیا
  دانوستانەكانی پێكهێنانی حكومەتی نوێ دەچنە قۆناغێكی نوێوە


کاریکاتێر