پامپیۆ: كورده‌كانی سوریا تیرۆرست نین

.

وه‌زیری ده‌ره‌وه‌ی ئه‌مریكا رایگه‌یاند: ئه‌مریكا له‌ رۆژهه‌ڵاتی ناوه‌ڕاست ده‌مێنێته‌وه‌.

مایك پامپیۆ وه‌زیری ده‌ره‌وه‌ی ئه‌مریكا ئه‌مڕۆ 12-1-2019، له‌ كۆنگره‌یه‌كی رۆژنامه‌نووسیدا ته‌ئكیدیكرده‌وه‌، ئه‌مریكا له‌ رۆژهه‌ڵاتی ناوه‌ڕاست ده‌مێنێته‌وه‌.

راشیگه‌یاند: كشانه‌وه‌مان له‌ سوریا ستراتیجمان له‌ ناوچه‌كه‌ ناگۆڕێت و له‌ رۆژهه‌ڵاتی ناوه‌ڕاستدا ده‌مێنینه‌وه‌، وتیشی: له‌ نیگه‌رانییه‌كانی توركیا سه‌باره‌ت به‌ سوریا تێده‌گه‌ین، بۆیه‌ سه‌رقاڵی چاره‌سه‌ركردنی كێشه‌كانین.

 وه‌زیری ده‌ره‌وه‌ی ئه‌مریكا راشیگه‌یاند: جیهان ده‌بێت له‌وه‌ تێبگات كه‌ كورده‌كانی سوریا تیرۆرست نین و هه‌ولًَی پاراستنی وڵاته‌كه‌یان ده‌ده‌ن له‌ ده‌ست تیرۆرستان. پامپیۆ ئاماژه‌ی به‌وه‌شدا، ده‌مانه‌وێت ئاواره‌كانی سوریا بگه‌ڕێنینه‌وه‌ بۆ ناوچه‌كانی خۆیان، بۆ ئه‌وه‌ش كاری جددیمان كردووه‌.

PUKmedia ئاژانسه‌كان