خه‌سره‌و گوڵ: كوردستانی نوێ ئه‌ركی گه‌وره‌تری له‌پێشه‌

.

دكتۆر خه‌سره‌و گوڵ پیرۆزبایی له‌ سه‌رنوسه‌رو رۆژنامه‌نوسانی كوردستانی نوێ ده‌كات و هیواخوازیشه‌ ھه‌میشه‌ كوردستانی نوێ ، كوردستانێكی  ئاوه‌دانبێت و له‌گه‌شه‌كردندا بێت.

ده‌قی بروسكه‌كه‌..
به‌ڕێزان سه‌رنووسه‌رو میدیاكاران و كارمه‌ندانی رۆژنامه‌ی كوردستانی نوێ
به‌ بۆنه‌ی 28 ھه‌مین ساڵه‌ی ،  ده‌رچواندنی یه‌كه‌م رۆژنامه‌ی كوردی دوای راپه‌ڕین ، گه‌رمترین پیرۆزبایتان لێده‌كه‌م  ،  ئومێد ده‌كه‌ین ھه‌میشه‌ كوردستانی نوێ ، كوردستانێكی  ئاوه‌دانبێت و له‌ گه‌شه‌كردندا بێت.

لای ھه‌مووان روونه‌ ، كوردستانی نوێ ، چه‌پكه‌ گوڵ و دیاری رابه‌رمان ( سه‌رۆك مام جه‌لال ) بووه‌ ، بۆیه‌ ھه‌میشه‌ ، رۆژنامه‌یه‌كی به‌رپرسیارو میدیایه‌كی جۆرییه‌ ، كه‌ له‌پاڵ ئه‌ركه‌ پیشه‌ییه‌كه‌ی،  كه‌ گه‌یاندنی ھه‌واڵ و زانیاری و به‌ ئاگاھێنانه‌وه‌ی كۆمه‌ڵانی خه‌ڵك بووه‌ به‌رامبه‌ر روداو پێشھاته‌كان ،
خه‌می نه‌ته‌وه‌یی بوون و پاراستنی به‌ھا كۆمه‌ڵایه‌تی و كه‌لتوریی و نیشتیمانییه‌كانی فه‌رامۆش نه‌كردوه‌ ، وه‌ك رۆژنامه‌یه‌كی سه‌نگین و به‌ ئه‌زموون ، درێژه‌ی به‌ كاری خۆیداو بنه‌ماكانی كاری راگه‌یاندن له‌ راستگۆیی و وردی و پیشه‌یی بوون به‌رجه‌سته‌ كردووه‌.
له‌مڕۆشدا كوردستانی نوێ ئه‌ركی گه‌وره‌تری له‌ پێشه‌ ، بۆ داھاتوو ش چاوه‌ڕێی گۆڕانكاری زیاترتان لێده‌كه‌ین ، كه‌ وه‌ك ھه‌میشه‌ قه‌ڵه‌مێكی زیندو ئازابن و پێشه‌نگبن له‌ كاروانی رۆژنامه‌گه‌ری كوردی
ھه‌رشادو سه‌ركه‌وتوبن

دكتۆر خه‌سره‌و گوڵ

PUKmedia تایبه‌ت