خاتوو هێرۆ: كوردستانی نوێ ناوێكی‌ گه‌شی‌ ناو میدیای كوردییه‌

.

خاتوو هێرۆ ئیبراهیم ئه‌حمه‌د ئه‌ندامی مه‌كته‌بی سیاسی بۆ ساڵیادی دامه‌زراندنی كوردستانی نوێ بروسكه‌یه‌كی پیرۆزبایی ئاڕاسته‌ی سه‌رنوسه‌ر و كارمه‌ندانی ده‌كات، كه‌ ئه‌مه‌ ده‌قه‌كه‌یه‌تی...

به‌ڕێزان، سه‌رنووسه‌ر و رۆژنامه‌نووس و كادیر و كارمه‌نده‌ دڵسۆزه‌كانی رۆژنامه‌ی (كوردستانی نوێ)
به‌ بۆنه‌ی ساڵڕۆژی رۆژنامه‌ی كوردستانی نوێی ئازیزه‌وه‌، له‌ناخه‌وه‌ گه‌رمترین پیرۆزباییتان ئاڕاسته‌ ده‌كه‌م و هیوای سه‌ركه‌وتنی زیاترتان له‌كاركردن له‌ڕۆژنامه‌ پرشنگداره‌كه‌تان بۆ ده‌خوازم.
كوردستانی نوێ، كه‌ له‌ كوردستانێكی نوێ و ئازاد دا وه‌ك یه‌كه‌م رۆژنامه‌ی كوردیی رۆژانه‌ له‌ دایك بوو، ناوێكی‌ گه‌شی‌ ناو مێدیای كوردییه‌ و خاوه‌نی خه‌رمانێكی پڕ به‌رهه‌م و جێگه‌ی شانازی هه‌مووانه‌، كه‌ به‌سه‌لیقه‌ و دڵسۆزی و ماندوبوونی رۆژنامه‌نووس و كارمه‌نده‌ ماندونه‌ناسه‌كانی، توانیویه‌تی خزمه‌تێكی به‌رچاوی ره‌وتی رۆژنامه‌گه‌ری كوردی و خوێنه‌ره‌كانی بكات، ئومێد ده‌كه‌م كوردستانی نوێ درێژه‌ به‌و رێبازه‌ پیرۆزه‌ی خۆی بدات، هه‌ر ئه‌و پێگه‌ ره‌سه‌ن و دره‌وشاوه‌یه‌ی هه‌بێت.
له‌م یاده‌ پیرۆزه‌تاندا و له‌گه‌ڵ داگیرساندنی مۆمی 28 ساڵه‌ی ته‌مه‌نی ژیانی رۆژنامه‌گه‌ریی خۆیدا، ده‌خوازین كوردستانی نوێ هه‌ر له‌پێشكه‌وتن و تاوسه‌ندن و گه‌شه‌سه‌ندنی پانتایی و روبه‌ری ئازادیی بیروڕا و ره‌خنه‌ی بنیاتنه‌ر بێت كه‌ له‌سه‌ره‌تاكانییه‌وه‌ پێی ناسراوه‌.

هه‌میشه‌ له‌ پێشكه‌وتن و دره‌وشانه‌وه‌دا بتان بینم، سه‌ركه‌وتوو بن.


هێرۆ ئیبراهیم ئه‌حمه‌د
12ی كانوونی دووه‌می 2019

PUKmedia تایبه‌ت