مەكتەبی رێكخراوە دیموكراتییەكان: كوردستانی نوێ دیارییەكی بە نرخی یەكێتییە

.

مەكتەبی رێكخراوە دیموكراتییەكانی یەكێتی پیرۆزبایی 28هەمین ساڵیادی دامەزراندنی رۆژنامەی كوردستانی نوێ دەكات.

دەقی پیرۆزبایی نامەكە...

بەڕێز/ سەرنووسەری ڕۆژنامەی كوردستانی نوێ
بابەت/ پیرۆز بایی

سڵاوێكی گەرم...

لە (٢٨)ە هەمین ساڵیادی كوردستانی نوێی ئازیزدا، بەناوی مەكتەبی رێكخراوە دیموكراتیەكان و سەرجەم ڕێكخراوەكانی سەربەمەكتەبەكەمانەوە، چەپكە گوڵی پیرۆزبایی خۆمانتان پێشكەشدەكەین، دەستخۆشی و ماندونەبوونی و سڵاو پێزانینمان، ئاراستەی سەرجەم ئەوبەڕێزانەدەكەین، كە ڕۆژانێك لەم كاروانەدا خزمەتیان كردوە و ئەوانەشیی ئەمێستا ماندوو نەناسانە لەخەباتدان، لە پێناوی ئەوەی بەباشترین شێوە ڕۆژنامەكە بخەنەبەردیدی خوێنەران.

كوردستانی نوێ وەك یەكەم ڕۆژنامەی ڕۆژانەی پاش ڕاپەڕین، دیارییەكی قەشەنگ و بەنرخی یەكێتیی نیشتمانیی كوردستان بوو كە پێشكەش بە كوردستانەكەمان كرا، لەو چركەساتەوە تائێستا كانگای خزمەت و پێگەیاندنی دەیان و سەدان نوسەر و ڕۆژنامەنوس و داهێنەر و بەهرەمەند بووە، سەرباری ئەوەش كە ڕۆژنامەیەكی حزبی دەربەست و بەرپرس بووە، بەڵام هەردەم پانتاییەكی فراوانی ڕەخساندووە بۆ نوسەران و قەڵەمە ئازاد و غەیرە حزبییەكانیش، سەرۆك مام جەلال لەم مییانەدا دەفەرموێت (ئەگەر ڕەخنە لەیەكێتیی گیرا، پێمخۆشە لە كوردستانی نوێدا بڵاو ببێتەوە).

لەم یادە پیرۆزەدا هیوای سەركەوتن و بەردەوامیتان بۆدەخوازین، ئومێدەوارین ئەم سەرچاوە سازگارە لەئەفراندن و پێشكەشكردنی پەلكە زێڕینەی خزمەتەكانی بەردەوامبێت.

لەگەڵ ڕێزدا...
مەكتەبی ڕێكخراوە دیموكراتییەكانی
ی.ن.ك

PUKmedia