عومه‌ر فه‌تاح پیرۆزبایی له‌ كوردستانی نوێ ده‌كات

.

به‌بۆنه‌ی یادی 28 ساڵه‌ی ده‌رچوونی ڕۆژنامه‌ی كوردستانی نوێ، عومه‌ر فه‌تاح كارگێڕی مه‌كته‌بی سیاسی یه‌كێتیی نیشتمانیی كوردستان پیرۆزبایی له‌ سه‌رنووسه‌ر و سكرتاریه‌تی نووسین و ڕۆژنامه‌نووسان و كارمه‌ندانی ڕۆژنامه‌ی كوردستانی نوێ ده‌كات كه‌ ئه‌مه‌ ده‌قه‌كه‌یه‌تی:


به‌رێزان/ سه‌رنوسه‌رو سكرتاریه‌تی نووسین و رۆژنامه‌نوسان و كارمه‌ندانی رۆژنامه‌ی كوردستانی نوێ

به‌ سڵاوێكی گه‌رمه‌وه‌، پیرۆزبایی یادی 28 ساڵه‌ی ده‌رچوونی یه‌كه‌م ژماره‌ی رۆژنامه‌كه‌تان لێده‌كه‌م، كه‌ بۆ ئه‌و كاتء قۆناغه‌، كه‌ هێشتا تازه‌ راپه‌رین به‌رپا كرابوو و ئه‌زموونه‌كه‌مان له‌سه‌ره‌تادا بوو، له‌و هه‌لومه‌رجه‌دا ده‌ركردنی رۆژنامه‌ی رۆژانه‌ ڕچه‌شكێنێكی گه‌وره‌و مێژوویی بوو، بۆ مێژوویی رۆژنامه‌گه‌ری كوردیش سه‌ركه‌وتنێكی گه‌وره‌ بوو، كه‌ یه‌كه‌م رۆژنامه‌ی رۆژانه‌ی كوردیء یه‌كه‌م رۆژنامه‌ی دوای راپه‌رین بوو.

كوردستانی نوێ، جگه‌ له‌و سه‌روه‌رییانه‌، بۆ پێگه‌یاندنی رۆژنامه‌نوسء قه‌له‌می بوێرو ڕاستگۆ، بۆ هۆشیاركردنه‌وه‌و زانیاری گه‌یاندن به‌ خوێنه‌رانیش هه‌ر پێشه‌نگ بووه‌،ئومێده‌وارم بۆ داهاتوو، باشتر خۆتان سازبده‌ن و له‌گه‌ڵ واقعیی گۆڕاوی كوردستاندا، ئه‌ركه‌كانتان جێبه‌جێ بكه‌ن به‌ سه‌ركه‌وتوویی.
 هه‌ربژین و جارێكی تر پیرۆزه‌ له‌ هه‌موولایه‌ك.

عومه‌ر فه‌تاح
كارگێڕی مه‌كته‌بی سیاسی ی.ن.ك

11/1/2019

PUKmedia