مه‌ڵبه‌ندی كه‌ركوك: جگه‌ له‌بڕیاری دادگا هیچ بڕیارێكی دیكه‌ قبوڵ ناكه‌ین

.

ڕاگه‌یاندنی مه‌ڵبه‌ندی دووی كه‌ركوك سه‌باره‌ت به‌ هه‌ڵكردنی ئاڵای كوردستان ڕاگه‌یه‌ندراوێكی بڵاو كردۆته‌وه‌ كه‌ تێدا هاتووه‌، كه‌یسی هه‌ڵكردنی ئاڵای كوردستان له‌ئێستادا له‌ دادگای عیراقه‌ و جگه‌ له‌ بڕیاری دادگا هیچ ڕێگه‌چاره‌یه‌كی تر قبوڵ ناكه‌ن.

له‌ڕاگه‌یه‌ندراوه‌كه‌دا كه‌ وێنه‌یه‌كی ده‌ستPUKmedia که‌وتووه، هاتووه‌: ئێمه‌ وه‌ك یه‌كێتیی نیشتمانیی كوردستان له‌پێناو پاڕاستی ئاشتی كۆمه‌ڵایه‌تی و ڕاگرتنی هاوسه‌نگی له‌نێوان پێكهاته‌كانی كه‌ركوك و ئارامی ڕه‌وشه‌كه‌ به‌ئه‌ركی له‌پێشینه‌ی خۆمان ده‌زانین له‌م پێناوه‌دا بڕیاری هه‌ڵكردنی ئاڵا ته‌نها بۆ باره‌گای مه‌كته‌بی سیاسی و مه‌ڵبه‌نده‌. بۆیه‌ به‌ هه‌موو لایه‌كی ڕاده‌گه‌یه‌نین ئه‌گه‌ر لایه‌نێك یان كه‌سێك له‌خۆشه‌ویستییان بۆ ئاڵاكه‌ له‌شوێنی تر به‌رزیان كردبێته‌وه‌ ئه‌وه‌ له‌ ده‌ره‌وه‌ی بڕیاره‌كه‌ی مه‌ڵبه‌ندی كه‌ركوكه‌.

PUKmedia