یهكێتی بهشێك له پێشمهرجهكانی بۆ بهشداری حكومهت ئاشكرادهكات
ی.ن.ک 05:01 PM - 2019-01-10.
راوێژكاری مهكتهبی سیاسی یهكێتیی نیشتمانیی كوردستان رایگهیاند: یهكێتی لهسهر بنهمای شهراكهتی راستهقینه بهشداری لهحكومهتدا دهكات.
ئهمڕۆ 10-1-2019، سمكۆ ئهسعهد راوێژكاری مهكتهبی سیاسی یهكێتیی نیشتمانیی كوردستان له كۆنگرهیهكی رۆژنامهنووسیدا رایگهیاند: یهكێتی لهسهر بنهمای شهراكهتی راستهقینه بهشداری حكومهت دهكات.
راشیگهیاند: ههمیشه شهراكهتی راستهقینه داواكاری لهمێژینهی یهكێتییه، بۆیه جهخت لهسهر ئهو داواكارییهمان دهكهینهوه، وتیشی: وهك یهكێتی دهمانهوێت له پێكهێنانی حكومهتدا سیاسییهتێكی راستهقینهو تۆكمهی دارایی و بهڕێوهبردن دابڕێژرێت، كه بزانرێت داهاتهكان چۆنن چی لێدهكرێت و چۆن خهرجدهكرێن و له خزمهتی ههموو هاووڵاتییانی ههرێمدابێت و دیارو شهفاف مامهڵهیان لهگهڵدا بكرێت، كه له بهرژهوهندی ههموو هاووڵاتییانی ههرێمی كوردستاندا بێت.
ههروهها سمكۆ ئهسعهد وتی: یهكێتی داوای دامهزراندنی دادگای باڵای ههرێم دهكات و ههوڵی چارهسهكردنی كێشهكانی ههرێم دهدات، ئهوهشی ئاشكراكرد، كه یهكێتیی نیشتمانیی كوردستان پێشتریش بۆچوونی ئهوهی ههبووه كه سیستم بهرهو پهرلهمانی ببرێت .
راشیگهیاند: یهكێتی بهپێی ئیستحاقی ههڵبژاردن پۆستی له دهسهڵاتی جێبهجێكردن و یاسادانان بهردهكهوێت و پۆستی سهرۆكی پهرلهمان و ههردوو جێگری سهرۆكی ههرێم و سهرۆكی حكومهت بهمافی خۆی دهزانێت.
تهئكیدیشیكردهوه، دهبێت لایهنهكان له بهغدا بهرژهوهندی گشتی له بهرچاوبگرن بۆ ئهوهش نوێنهرانی یهكێتی ههمیشه كاری جددییان بۆ ئهوه كردووه.
ههرسهبارهت به كهركوك و ناوچه دابڕێنراوهكان راوێژكاری مهكتهبی سیاسی یهكێتی وتیشی: یهكێتیی نیشتمانیی كوردستان، چۆن له پێشدا ههوڵی پاراستنی گیان و سهرو ماڵی هاووڵاتییانی كهركوكی داوهو مێژووش شایهته، كه چۆن یهكێتی ئهو شارهی لهخاپوركردن پاراست له ئێستاشدا دهیهوێت ئهو شاره بپارێزێت و بهرگری له بهرژهوهندییهكانی هاووڵاتییانی بكات و له رێگهی سیاسهتێكی حهكیمانهو بهپێی یاساو دهستور مامهڵه لهگهل ئهو شاره بكرێت، بۆ چهسپاندنی بنهما دهستورییهكان تێیدا له جێبهجێكردنی ماددهی 140 و گێڕانهوهی بۆ سهر ههرێمی كوردستان.
ههر سهبارهت به ههڵكردنی ئاڵای كوردستان له كهركوك لهلایهن یهكێتیی نیشتمانیی كوردستانهوه، راوێژكاری مهكتهبی سیاسی یهكێتی وتی: ئاڵای كوردستان یهكێكه له پیرۆزییهكان لای یهكێتی و ههر یهكێتی بوو لهژێر ئهو ئاڵایهدا بهرگری له ههرێمی كوردستان كردووهو دهریایهك خوێنی بهخشیوه، بۆیهش ههڵكردنی ئاڵای كوردستان به مافێكی خۆمان دهزانین، بۆ بابهتی یاسایی بوون یان یاسایی نهبوونی ئهو مهسهلهیهش دهبێت له دادگا یهكلایی بكرێتهوه، چونكه دادگاو یاسا لهم وڵاتهدا ههیه ئهوه لهدادگادا یهكلایی دهكرێتهوه.
جهختیشیكردهوه، یهكێتی دهیهوێت ئهوه بیری سهرجهم لایهنهكانی ههرێمی كوردستان بهێنێتهوه، كه دهیهوێت هاوبهشی راستهقینه ههبێت له پێكهێنانی حكومهتدا، ههرله وهڵامێكی پرسیاری رۆژنامهنووساندا، ئهوهی ئاشكراكرد، كه یهكێتی نابێته ئۆپۆزسیۆن.
PUKmedia تایبهت
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25