شوانێك بەسەختی بریندار دەبێت

.

لەقەڵادزێ شوانێك بەسەختی بریندار بوو، پۆلیسش دەڵێت: روداوەكە بەهۆی دەستكاری چەكی جۆری تاپڕ بووە لەلایەن منداڵێكەوە كە لەگەڵی بووەو گوللەی تاپڕەكە دەرچووە.

بەڕێوەبەرایەتی پۆلیسی راپەڕین لە راگەیەنراوێكیدا كە وێنەیەكی گەیشتۆتە PUKmedia، رایگەیناد: نیوەڕۆی ئەمڕۆ لەگوندی ئاڵانی سەر بەشاری قەڵادزێ شوانێك بەناوی (م.ح.ح) تەمەن 20 ساڵان بەچەكی جۆری تاپڕ بەسەختی بریندار بووە.

رونیشیكردۆتەوە:بەوتەی كەسوكارەكەی ناوبراو لەگەڵ منداڵێكی تەمەن 7 ساڵان لای رانە مەڕبوون، پاش ئەوەی منداڵەكە دەستكاری چەكی جۆری تاپڕی كردوەو دواتر گوللـەیەك لەدەستی دەردەچێت و بەر سەری هاوڕێكەی دەكەوێت و بەو هۆیەشەوە بەسەختی بریندار بووە.

پۆلیس دەشڵێت: پاش برینداربوونی گەیەندرایە نەخۆشخانەی گشتی قەڵادزێ و دوایی چارەسەری سەرەتایی بەهۆی سەختی برینەكەی بەڕێكرا بۆ سلێمانی، پەڕاوی لێكۆڵینەوەش بۆ روداوەكە كراوەتەوەو لێكۆڵینەوە بەردەوامە.

PUKmedia