پەرلەمان لەبارەی بودجەوە لەكۆبوونەوەدایە

.

كۆبوونەوەی پەرلەمانی عیراق دەستیپێكردو گفتوگۆ لەسەر پرۆژە یاسای بودجەی 2019ی عیراق و یاسای خزمەت و خانەنشینی سەربازی دەكرێت.   

لەوبارەیەوە، حسێن نەرمۆ، پەرلەمانتاری فراكسیۆنی یەكێتی لەئەنجومەنی نوێنەرانی عیراق لەبارەی كۆبوونەوەكەوە، بە PUKmediaی راگەیاند: كۆبوونەوەی پەرلەمان بەسەرۆكایەتی محەمەد حەلبوسی و رێژەی یاسایی پەرلەمانتاران دەستپێكردوە.

وتیشی: بەپێی كارنامەی كۆبوونەوەكە، تەواوكردنی پێكهاتەی حكومەتەكەی عادل عەبدولمەهدی تێدا نیە، بەڵكو گفتوگۆكانی پەرلەمان تایبەت دەبێت بەپرۆژە یاسای بودجەی 2019ی عیراق.

ئەوەشی وت: لەكۆبوونەوەكەدا، خوێندنەوەی یەكەم بۆ پرۆژە یاسای پێشنیاركراوی یاسای خزمەت و خانەنشینی سەربازی ژمارە 3ی ساڵی 2010ش دەكرێت. 

PUKmedia تایبەت