سهرۆك كۆمار و میری قهتهر بارودۆخی ناوچهكه تاوتوێدهكهن
جیهان 12:54 PM - 2019-01-10.
بهرههم ساڵح سهرۆك كۆماری عیراق رایگهیاند، داهاتی ئهم ناوچهیه له جیاتی شهڕو ماڵوێرانی بۆ خۆشگوزهرانی هاووڵاتیان تهرخان بكرێت.
لهرێورهسمێكی پڕ شكۆدا ئهمڕۆ 10-1-2019 له دۆحه، میری دهوڵهتی قهتهر شێخ تهمیم بن حهمهد پێشوازی لهسهرۆك كۆماری عیراق د. بهرههم ساڵح كرد
له دهسپێكی ئهو مهراسیمه رهسمیهدا سهرۆك بهرههم ساڵح و شێخ تهمیم بن حهمد لهگهڵ سرودی نیشتمانی عێراق و قهتهر، پاسهوانی شهرهفیان ئهنجامدا.
پاشان سهرۆك كۆمار د. بهرههم ساڵح و شێخ تهمیم حهمهد میری قهتهر به ئامادهبوونی وهفدی ھهردوولا كۆبوونهوه و بهیهكهوه گفتوگۆیانكرد لهبارهی پهرهپێدانی پهیوهندییه دووقۆڵیهكانی ههردوو وڵات و فراوانكردنی ئاستی هاریكاری كه خزمهت به بهرژهوهندی هاوبهشی عیراق و قهتهر بكات.
له میانی ئهو پێشوازیه گهرمهی له لایهن میری قهتهرهوه لێی كرا، سهرۆك بهرههم ساڵح رایگهیاند: عێراق ههوڵدهدات باشترین پهیوهندیی ناوچهیی بهبێ جیاوازی بنیادبنێت، سوریش دهبێت له سهر بهردهوامبوونی رۆڵی سهرهكی خۆی بۆ بهیهك گهیاندنی گهلانی ناوچهكه بۆ ئهوهی نهبێته گۆڕهپانی ململانێ، بهڵكو ئاسایش و ئارامی تێدا بهرقهرار بێت و خهڵكهكهشی سود له خێر و بێرهكهی ببینن.
لهم روهوه سهرۆك كۆمار داوایكرد تۆڕێكی پهیوهندی هاوبهش دروست بكرێت له پێناو لێكتێگهیشتنی زیاتر و دیالۆگی بنیادنهرانه كه یارمهتی وڵاتانی ناوچهكه بدات بۆ پهرهپێدانی ئهو پهیوهندیانه دوور له گرژی و ئاڵۆزی، سهرۆك بهرههم ساڵح تهئكیدیشی كردهوه له سایهی ئارامی و پهیوهندی سیاسی هاوسهنگ دهرفهتی ئهوه دهرهخسێت كه باشتر خزمهتی خهڵكهكهی بكهین و خیرو بێرو داهاتی ئهم ناوچهیه له جیاتی شهڕو ماڵوێرانی بۆ خۆشگوزهرانی هاوڵاتیان تهرخان بكرێت.
له درێژهی ئهو كۆبوونهوهیهدا سهرۆك كۆمار و میری قهتهر بیروڕایان ئاڵوگۆڕكرد لهبارهی پێشهاته سیاسی و ئهمنیهكانی ناوچهكه و جیهان و پێویستی زاڵبوونی زمانی دیالۆگ و لێكتێگهیشتن بۆ بهدیهێنانی ئاسایش و ئارامی و رێگرتن له دهستوهردان له كاروباری ناوخۆیی وڵاتان.
لهلای خۆیهوه میری قهتهر پشتیوانی وڵاتهكهی بۆ عیراق له رووی سیاسی و ئهمنی و بههێزكردنی پهیوهندییهكانی ههردوو وڵات له زۆربهی بوارهكان دووپاتكردهوه، ههروهها ئاماژهیكرد كه قهتهر هاوشانی عێراق دهوهستێت و پشتیوانی لێ دهكات له پێناو پهرهپێدانی ئاشتی و ئارامی و هێنانهدی پێشكهوتن له زۆربهی بوارهكاندا بهتایبهت له بواری ئابووریدا.
لهو كۆبوونهوهیهدا لایهنی عیراقی ههریهك له محهمهد حهكیم وهزیری دهرهوه و نوری دیلێمی وهزیری پلاندانان و د. محهمهد هیشام عانی وهزیری بازرگانی و د. عهبد ئهمیر حهمدانی وهزیری گهشتوگوزار و شوێنهوار و ژمارهیهك له لێپرسراو و راوێژكاران ئامادهبوون، لایهنی قهتهریش ههر یهك لهشێخ محهمهد كوری عهبدولرهحمانی دوهم سهرۆك وهزیر و وهزیری دهرهوه و شێخ خالد كوڕی خهلیفهی دووهم سهرۆكی دیوانی ئهمیری و سهڵاح كوڕی غانم وهزیری رۆشنبیری و وهرزش و عهلی كوڕی ئهحمهد وهزیری بازرگانی و پیشهسازی و ساڵح كوڕی محهمهد نابت سهرۆكی دهزگای پلاندانان و سهر ژمێری ئامادهبوون.
PUKmedia راگهیاندنی سهرۆكایهتی كۆمار
هەواڵی زیاتر
-
سەرۆک بافڵ بۆ دەنگی ئەمریکا: هێزەکانی ئەمریکا دەستبەجێ لە عیراق ناکشێنەوە
10:12 PM - 2024-05-08 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
07:59 PM - 2024-05-08
ئەمانەش ببینە
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
03:25 PM - 2024-05-08
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
02:16 PM - 2024-05-08
یەکێتی تانە لەبڕیارەکەی کۆمسیاران دەدات
11:32 AM - 2024-05-08
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
10:35 AM - 2024-05-08
زۆرترین خوێنراو
-
وەفدێكی مەکتەبی سکرتارییەت سەردانی ڕێبوار ئەنوەر بەگ دەکات
ی ن ک 02:07 PM - 2024-05-08 -
یەکێتی تانە لەبڕیارەکەی کۆمسیاران دەدات
کوردستان 11:32 AM - 2024-05-08 -
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
کوردستان 10:35 AM - 2024-05-08 -
کۆمسیۆن کارەکانی هەڵبژاردنی پەرلەمانی کوردستانی هەڵپەسارد
کوردستان 10:01 AM - 2024-05-08 -
ناشادی شێوەکار کۆچی دواییکرد
پرسەنامە 11:03 PM - 2024-05-07 -
دادگای فیدراڵی و 78 ساڵی خەباتی پارتی لە بەردەم ئیحراجیدا
بیروڕا 10:47 PM - 2024-05-07 -
شاڵاو کۆسرەت رەسوڵ بەشداری لە پرسەی حاجی زبێد کرد
پرسەنامە 08:43 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
کوردستان 08:24 PM - 2024-05-07