به‌ڕێوبه‌رایه‌تی ئاوی سلێمانی هاووڵاتیان ئاگادار ده‌كاته‌وه‌

.

له‌راگه‌یه‌ندراوێكدا به‌ڕێوبه‌رایه‌تی ئاوی سلێمانی داوا له‌هاووڵاتیان ده‌كات له‌كاتی نزمبوونه‌وه‌ی  پله‌كانی گه‌رما ئاو نه‌ڕێژنه‌ سه‌ر شه‌قامه‌كان بۆ ئه‌وه‌ی نه‌یبه‌ستێت.

له‌راگه‌یه‌ندراوه‌كه‌ی به‌ڕێوبه‌رایه‌تی ئاوی سلێمانی رایگه‌یاندوه‌:" داوا لە هاووڵاتیان دەکه‌ن لەکاتی دابەزینی پلەی گەرما، ئاو نەڕێژنە کۆڵان و شەقامەکان چونکە دەبێتە هۆی بەفیڕۆدانی ئاو و بەهۆی نزمی پلەی گەرماوە دەبێتە بەستنی شەقام و کارەساتی ئۆتۆمبێل و دڵتەزێنی لێ دەکەوێتەوە.

رونیشكراوه‌ته‌وه‌:" پێوەری ئاو داپۆشن بۆئەوەی نەبێتە هۆی شکاندنی، دەزولەیەک ئاو بکەنەوە بۆئەوەی نەبێتە بەستنی بۆری ئاو.

ئاماژه‌ به‌وه‌شدراوه‌:"لەکاتی بەستنی بۆری ئاودا بە کەمێک ئاوی گەرم بکەن بە بەلوعەوبۆریەکاندا بۆئەوەی نەبێتە شکاندنیان.

PUKmedia