PUKmedia یەکێتیی نیشتمانیی کوردستان

كونسوڵی ئەمریكا داوای رێككەوتنی لایەنە سیاسییەكانی هەرێم دەكات


8/1/2019 19:30:00
چاپ کردن
بە وێنەوە    بە بێ وێنە
           
.

دوای نیوەڕۆی ئەمڕۆ سەعدی ئەحمەد پیرە ئەندامی مەكتەبی سیاسی و لێپرسراوی مەكتەبی پەیوەندییە گشتییەكانی یەكێتیی نیشتیمانیی كوردستان لە بارەگای مەكتەبی سیاسی لە شاری هەولێر پێشوازیكرد لە ستیڤن فەیگن كونسڵی گشتی وڵاتە یەكگرتووەكانی ئەمریكا لە هەرێمی كوردستان و خاتوو سیلڤیا ئیریس  بەرپرسی نوسینگەی سیاسی و ئابوری لە كونسوڵخانەی ئەمریكا لە هەرێمی كوردستان. 

لە دیدارێكی نێوان هەردوولادا بارودۆخی سیاسی و ئابوری و سەربازی عیراق و هەرێمی كوردستان و ناوچەكە بەگشتی گفتوگۆی لەبارەوە كرا . 

كونسوڵی گشتی ئەمریكا لە هەرێمی كوردستان ئاماژەی بە هەڵوێستی حكومەتی ئەمریكا كرد سەبارەت بە حكومەتی نوێی عیراق و كابینەی داهاتووی حكومەتی هەرێمی كوردستان ، جەختی كردەوە كە واشنتۆن خوازیاری حكومەتێكی یەكگرتووە لە عیراق كە ببێتە مایەی سەقامگیری سیاسی و ئابوری و خۆشگوزەرانی بۆ گەلانی عیراق بەگشتی هاوكات خوازیارە لە زوترین كاتدا لایەنە سیاسییەكانی هەرێمی كوردستانیش بگەنە رێكەوتن بۆ پێكهێنانی حكومەتی تازەی هەرێمی كوردستان . 

سەبارەت بە بارودۆخی سوریا بەگشتی و رۆژئاوای كوردستان بەتایبەتی كونسوڵی گشتی ئەمریكا لە هەرێمی كوردستان ئاماژەی بە دوایین هەڵوێستی كۆشكی سپی كرد كە لە دوایین روونكردنەوەدا دەڵێت كشانەوەی هێزەكانمان مەرجدارە و بەشێوەیەكی لەسەرخۆ دەبێت تا ئەوكاتەی دڵنیادەبین كە رێكخراوی تیرۆرستی داعش بەتەواوی ریشەكێش بووە لە ناوچەكە و هاوكات دڵنیابین لەوەی هاوپەیمان و دۆستە كوردەكانمان پارێزراو دەبن و هیچ هێز و لایەنێك نابنە هەڕەشە لەسەریان، ئەو پەیامەش لە رێگەی كەناڵە دیپلۆماتییەكانەوە بە وڵاتانی ناوچەكە گەیەندراوە . 

دواتر سەعدی ئەحمەد پیرە خۆشحاڵی خۆی بەدواین هەڵوێستی حكومەتی ئەمریكا نیشاندا و ئاماژەی بە مێژووی هاوپەیمانیەتی كورد و ئەمریكا كرد لەناوچەكەدا كە بەدرێژایی ساڵانی رابردوو بەیەكەوە لەیەك سەنگەردا دژی تیرۆرستان جەنگاون ، وتیشی راستە داعش لە رووی سەربازییەوە شكستی هێناوە و بەرەو لەناوچوون دەچێت بەڵام وا پێویست دەكات هاوپەیمانیەتی نێودەوڵەتی بەسەرۆكایەتی ئەمریكا و هاریكاری هێزە كوردییەكان بەردەوام بێت بۆ ئەوەی لە رووی ئایدۆلۆژی و لۆجیستی و داراییشەوە سەرچاوەكانی پشتیوانیكردن لە داعش و گروپە تیرۆرستیەكانی تر بنەبڕ بكرێت.

 سەبارەت بە بارودۆخی سیاسی عیراق و هەرێمی كوردستانیش سەعدی ئەحمەد پیرە تەئكیدی كردەوە كە پشتیوانی لە حكومەتی نوێی عیراق دەكەن كەمافی هەموو پێكهاتەكانی تێدا پارێزراوبێت، وتیشی: یەكێتی نیشتیمانی كوردستان لە هەوڵەكانی بەردەوامە بۆ گەیشتن بە رێكەوتنێكی سیاسی بۆ شێوازی پێكهێنانی حكومەتی نوێی هەرێمی كوردستان .

PUKmedia راگەیاندنی پەیوەندییە گشتییەكانی یەكێتی

1.jpg

وێنە هەواڵ
  • image04
  • PUKmedia ساڵیادی دامه‌زراندنی كرده‌وه‌

  • image04
  • كۆبوونه‌وه‌ی وه‌فدی باڵای یه‌كێتی و پارتی له‌ سلێمانی

  • image04
  • كوردستان سپی پۆشی

  • image04
  • وه‌زیری ده‌ره‌وه‌ی ئێران گه‌یشته‌ سلێمانی

  • image04
  • سه‌نته‌ری ئۆتیزم له‌سلێمانی كرایه‌وه‌

  • image04
  • به‌فربارین زۆربه‌ی شاره‌كانی هه‌رێمی كوردستانی گرته‌وه‌

  • image04
  • د.بەرهەم ساڵح سەرۆك كۆماری عیراق لەلایەن رەجەب تەیب ئەردۆگانەوە پێشوازی لێكرا

  • image04
  • خۆپیشاندانه‌كان له‌ سودان


                                           

نوێنەری یەكێتی لە سوید: PUKmedia لە خزمەتی بیروباوەڕی جیاوزدایە


سەمیر ئەمین نوێنەری یەكێتیی نیشتمانیی كوردستان لە سوید بە بۆنەی یادی 16 ساڵەی دامەزراندنی سایتی PUKmedia وە پەیامێكی پیرۆزبایی ئاڕستەی سەرنووسەر و ستافی   كۆمیتەی سوید لەگەڵ سەرجەم ئۆرگانەكانی یەكێتی كۆدەبێتەوە
  وەفدێكی كۆمیتەی فینلاند بەشداری یادی دامەرزاندنی حزبی دیموكرات دەكات

                                           

ده‌قی چاوپێكه‌وتنی بافڵ تاڵه‌بانی له‌گه‌ڵ كه‌ناڵی bbc


دوای كۆتایی هێنان به‌ گروپی تیرۆرستی داعش هه‌ندێك باوه‌ڕیان وایه‌ ئه‌وه‌ ته‌نها رێككه‌وتنێكی تره‌ له‌ نێوان ...


  مامۆستایه‌كی زانكۆ به‌ ئۆنلاین وانه‌ ده‌ڵێته‌وه‌
  فه‌رید ئه‌سه‌سه‌رد: حكومه‌تی بێ یه‌كێتی وه‌ك نه‌بوو وایه‌
                                           

PUKmedia شانزە ساڵ راستگۆیی و متمانە

رۆژی 22/1/2019 سایتی پیوكەی میدیا لە كاروانی رۆژنامەگەریی خۆیدا پێدەنێتە 16 ساڵەی تەمەنییەوە.

پیوكەی میدیا وەكو یەكەم سایتی زمانحاڵی حزب لە هەرێمی كوردستان هەر لەرۆژی یە...


  جۆن بۆڵتۆن، پیاوه‌ تیژبینه‌كه‌، یان كابوسه‌كه‌ی توركیا
  دانوستانەكانی پێكهێنانی حكومەتی نوێ دەچنە قۆناغێكی نوێوە


کاریکاتێر