گیراوه‌یه‌كی سروشتی بۆ شێداركردنه‌وه‌ی پێستی ده‌ست

.

وشك بوونه‌وه‌ی پێستی ده‌ست یه‌كێكه‌ له‌ كێشه‌ باوه‌كان لای خانمان، به‌تایبه‌ت له‌و بۆنه‌ و ئاهه‌نگانه‌دا كه‌ خۆیان بۆ ئاماده‌ نه‌كردووه‌، بۆ ئه‌وه‌ش پێویستیان به‌ شێداركه‌ره‌وه‌یه‌كی به‌هێز هه‌یه‌ بۆ دره‌وشانه‌وه‌ی ده‌ست و په‌نجه‌، هه‌نگوین یه‌كێكه‌ له‌ پێكهاته‌ سرووشتییه‌ زۆر باشه‌كان بۆ شێداركردنه‌وه‌ و پێدانی خۆراكی پێویست بۆ پێست، چونكه‌ ده‌وڵه‌مه‌نده‌ به‌ چه‌وری سوود به‌خش و پڕۆتین كه‌ ئه‌وه‌ش كاریگه‌ری باشی ده‌بێت بۆ پێستی وشك.

-ماسكی هه‌نگوین و لیمۆ:
كه‌وچكێكی بچوك ئاوی لیمۆ
كه‌وچكێكی گه‌وره‌ هه‌نگوین

لیمۆ و هه‌نگوینه‌كه‌ به‌ باشی تێكه‌ڵ ده‌كه‌یت و ده‌یده‌یت له‌ پێستی ده‌ستت بۆ ماوه‌ی پێنج ده‌قیقه‌ پێوه‌ی ده‌هێڵته‌وه‌ و دواتر به‌ ئاوی شله‌تێن ده‌یشۆیت.

-ماسكی هه‌نگوین و گلیسرین و ئاوی گوڵ:
كه‌وچكێكی بچوك گلیسرین
كه‌وچكێكی بچوك هه‌نگوین
كه‌وچكێكی گه‌وره‌ ئاوی گوڵ
پێكهاته‌كان به‌ باشی تێكه‌ڵده‌كه‌یت و ده‌یده‌یت له‌ ده‌سته‌كانت و ده‌ستكێشێكی نایلۆن له‌ ده‌ست ده‌كه‌یت بۆ ماوه‌ی 15 خوله‌ك ده‌یهێڵیته‌وه‌ و دواتر به‌ ئاوی شله‌تێت ده‌یشۆیت.

-ماسكی هه‌نگوین و زه‌یتی زه‌یتون:
كه‌وچكێكی بچوك هه‌نگوین
كه‌وچكێكی بچوك زه‌یتی زه‌یتون
3 كه‌وچكی گه‌وره‌ شیر
سه‌رجه‌م پێكهاته‌كان تێكه‌ڵبكه‌و ماوه‌ی 15 -20 ده‌قیقه‌ به‌ ده‌ستته‌وه‌ بیهێڵه‌ره‌وه‌، پاشان به‌ ئاوی شله‌تێن بیشۆ.

PUKmedia و/ ژینه‌ر محه‌مه‌د
س/ سیدتی