به‌س نه‌بوو!

.

به‌س نه‌بوو!

پێنج فه‌رزه‌ شوكرانه‌بژێرى خواگیانم ئه‌ڵێم به‌س نه‌بوو:
× دكتۆرى ته‌جمیل نه‌بووم، ئه‌گینا ده‌مێك بو تووره‌كه‌ى سواڵم هه‌ڵگرتبوو.
× تاجرى تلیاك نه‌بووم، ئه‌گینا به‌و قورعانه‌ یه‌ك مه‌سئول مه‌رحه‌باى نه‌ئه‌كردم.
× سعودیه‌ نه‌بووم، ئه‌گینا ده‌بوایه‌ رۆژى سێ چوار جار ساروخم بنایه‌ به‌ ئیسرائیله‌وه‌.
× پاصى كۆسته‌ر نه‌بووم، ئه‌گینا ده‌ ساڵیش بوو ئینقیرازم كردبوو.
× پایته‌ختى رۆشنبیرى نه‌بووم، ئاخر چیم له‌و هه‌موو قاعه‌ و سینه‌ما و بودجه‌ زه‌به‌لاحه‌ بكردایه‌؟!
× ئاشتى هه‌ورامى نه‌بووم، ئه‌گینا به‌و هه‌موو هه‌واداره‌ ده‌بوایه‌ له‌ شه‌نگه‌هاى خۆم هه‌ڵبژاردایه‌.
× حكومه‌تى هه‌رێم نه‌بووم، ئه‌گینا هه‌ر به‌وه‌ڕاده‌گه‌یشتم هێز بنێرمه‌ سه‌ر توركیا.
× ئه‌خلاقى سیاسى نه‌بووم، ئه‌گیان حیزبه‌كان ئه‌یانكرد به‌شه‌ڕ له‌سه‌ر من.
× خوا نه‌یكردم به‌ فولكه‌، ئه‌گینا ئێستا بۆ سواڵكه‌رێ ئه‌چووم به‌ عاسمانا.
× كتێبخانه‌ى گشتى نه‌بووم، ئه‌گینا مه‌گه‌ر كورسى چایخانه‌كانیشم قه‌رزكردایه‌ بۆ ئه‌و میلـله‌ته‌ خوێنه‌ره‌.
× كوڕى مه‌نسول نه‌بووم، ئه‌گینا ئه‌بوایه‌ له‌ژێرپرده‌كه‌ قازم بفرۆشتایه‌.
× ده‌وڵه‌تى كوردى نه‌بووم، ئه‌گینا ئه‌و هه‌موو دۆست و ئه‌حبابه‌ خه‌جاڵه‌تیان ئه‌كردم.
× كۆنه‌ موسته‌شار نه‌بووم، ئه‌گینا ئێستا كون نه‌بوو خۆمى تیا بشارمه‌وه‌.