پۆلیس: ژنێك بەهۆی تەقینی چەرخەوە 60%ی سوتا

.

لەسنوری ئیدارەی راپەڕین ژنێك بەشێكی زۆری جەستەی سوتا، پۆلیسیش دەڵێت: روداوەكە بەهۆی گۆڕگرتنی دەبەی نەوتەوە رویداوەو ژنەكە سكاڵای لەسەر كەس تۆمارنەكردوە.

بەڕێوەبەرایەتی پۆلیسی راپەڕین لە راگەیەنراوێكیدا كە وێنەیەكی گەیشتۆتە PUKmedia رایگەیاند: لەگەڕەكی پێنجی ئازاری ناحیەی حاجیاوای سەر بەقەزای رانیە ژنێكی تەمەن 30 ساڵان بەناوی (س.خ) لەكاتی داگیرساندنی سۆبای نەوتدا چەرخەكەی لە دەست تەقیوەو بوەتە هۆی گڕگرتنی دەبە نەوتەكەو بەوهۆیەوە سوتاوە.

رونیشكردۆتەوە:بەگوێرەی راپۆرتی پزیشكی رێژەی سوتانەكەی لە 60% بووەو دوای وەرگرتنی وتەكانی لەبەردەم پۆلیس لە نەخۆشخانەی گشتی رانیە سكاڵای لە دژی هیچ كەس نیەو بەوتەی خۆی ِوداوەكە بەڕێكەوت بووە.

پۆلیس دەشڵێت: لەبەر سەختی برینەكەی، ژنەكە بۆ نەخۆشخانەی سوتاوی سلێمانی رەوانەكراوەو پەڕاوی لێكۆڵینەوەش بۆ روداوەكە رێكخراوەو لەسەر روداوەكەش كەس دەستگیر نەكراوەو لێكۆڵینەوە بەردەوامە.

PUKmedia