سه‌ری ساڵی كاوه‌ حسێن..یه‌كه‌م دیاری 2019

.

شاعیری ناسراوی كورد كاوه‌ حسێن یه‌كه‌م به‌رهه‌می ڤیدیۆ كلیپی شيعری خۆی ده‌كاته‌ دیاری ساڵی نوێ بۆ گوێگرانی.

سه‌ری ساڵ یه‌كه‌م به‌رهه‌می كلیپ كراوی شاعیر كاوه‌ حسێن_ه‌ و له‌ ساڵی نوێدا پێشكه‌شی هه‌وادارانی ده‌كات، ئه‌م به‌رهه‌مه‌ له‌لایه‌ن به‌ختیار عه‌بدولڕه‌حمان كاری ده‌رهێنانی بۆ كراوه‌ یاریده‌ده‌ری ده‌رهێنه‌ر ئاواره‌ نه‌بی_یه‌و كاری میكس و ماسترینگ و میلۆدی شادمیر نامۆیه‌ و له‌ ستۆدیۆی نامۆ تۆمار كراوه‌.

كاری سۆلۆی ئه‌م به‌رهه‌مه‌ جه‌مال شه‌له‌بییان كردویه‌تی و ئیدیتی ئاوات عوسمان و دیكۆر كۆژین عه‌بدوڵڵاو ئه‌حمه‌د عه‌لی .

كاوه‌ حسێن له‌ لێدوانێكدا بۆ PUKmedia رایگه‌یاند، كه‌ئه‌مه‌ یه‌كه‌م به‌رهه‌می كلیپ كراوی منه‌ و كاری نوێشم به‌ده‌سته‌وه‌یه‌ كه‌له‌ماوه‌ی داهاتوودا به‌ئه‌نجامی ده‌گه‌یه‌نین.

ئه‌و سوپاسی كۆمپانیای ده‌یهۆڵیده‌ی و دایمۆند 3D و ئۆسلۆ فاشیۆن و ته‌یك كۆمپانیا و ره‌یحانه‌ كافێ ده‌كات كه‌ هاوكارییان كردوه‌ له‌ به‌ئه‌نجام گه‌یاندنی به‌رهه‌مه‌كه‌ی.
 
كاوه‌ حسێن ماوه‌ی 20 ساڵه‌ شیعر ده‌نوسێت و به‌شێك له‌ شیعره‌كانی له‌لایه‌ن هونه‌رمه‌ندانی كورد كراون به‌ گۆرانی و له‌زۆربه‌ی شاره‌كانی كوردستان كۆڕی شیعری كردوه‌و سیدیه‌كی ده‌نگی شیعری هه‌یه‌ كه‌له‌ ساڵی 2007 بڵاوكراوه‌ته‌وه‌و پڕفرۆشترین به‌رهه‌می ساڵ بوه‌.

لینكی یاریده‌ده‌ر بۆ بینینی ڤیدیۆ كلیپه‌كه‌..............

PUKmedia هاژه‌ باست