سوده‌ سه‌رسوڕهێنه‌ره‌كانی‌ سپیناغ بزانه‌

.

لێكۆڵینه‌وه‌ زانستییه‌كان به‌رده‌وام ئاشكرای ده‌كه‌ن ئه‌و ماددانه‌ی به‌ شێوه‌یه‌كی زۆر له‌ سه‌وزه‌ و گه‌ڵا سه‌وزه‌كاندا هه‌یه‌، توانای خانه‌كان بۆ به‌رهه‌مهێنانی وزه‌ به‌رزده‌كه‌نه‌وه‌، بۆیه‌ خواردنی ژه‌مێكی سپیناغ چالاكی میتوكۆندریا له‌ خانه‌كاندا زیاد ده‌كات، هه‌روه‌ها به‌هۆی گه‌ڵاكه‌یه‌وه‌ تایبه‌تمه‌ندی دژه‌ شێرپه‌نجه‌ی تێدایه‌، له‌م چه‌ند خاڵه‌داگرنگترین سوده‌كانی‌ ده‌خه‌ینه‌ روو:

1- سه‌رچاوه‌یه‌كی‌ گرنكی‌ ترشه‌ چه‌وری‌ ئۆمیگا3 یه‌.

2-گه‌ڵا سه‌وزه‌كانی سپیناغ، بڕێكی زۆر باشییان له‌ ڤیتامین K ی تێدایه‌، هه‌روه‌ها ڤیتامین C و ڤیتامین A و E، كه‌ گرنگن بۆ خۆپاراستن له‌ ره‌قبوونی خوێنبه‌ره‌كان و نه‌خۆشی دڵ و نه‌خۆشی شه‌كره‌.

3-سپیناغ به‌ لای كه‌م (13) مادده‌ی دژه‌ ئۆكسان له‌ جۆری فلاڤانۆیده‌كانی تێدایه‌ كه‌ مرۆڤ ده‌پارێزن له‌ تووشبوون به‌ شێرپه‌نجه‌ی گه‌ده‌و پێست و شێرپه‌نجه‌ی مه‌مك.

4-كۆمه‌ڵێك پێكهاته‌ی‌ تێدایه‌ یارمه‌تی‌ رێكخستنی‌ ئاستی‌ ترشی‌ جه‌سته‌ده‌دات، كه‌ ده‌بێته‌ هۆی‌ زیادكردنی‌ ئاستی‌ وه‌زه‌ی‌ له‌ش‌و دانانی‌ ئاستێك بۆ كه‌مكردنه‌وه‌ مه‌ترسی‌ توشبوون به‌قه‌ڵه‌وه‌ی‌.

5- سپیناغ بۆ ئێسكه‌كانیش به‌سووده‌، هه‌روه‌ها توندی نیشانه‌كانی نه‌خۆشی ره‌بۆ كه‌م ده‌كاته‌وه‌.

6- یارمه‌تی‌ ته‌ندرووستی‌ بینین ده‌دات، به‌هۆی‌ بوونی‌ ماده‌ی‌ كارۆتین تێیدا.

7-به‌سه‌رچاوه‌یه‌كی‌ گرنگی‌ دژه‌ئۆكسید داده‌نرێت و رێگر ده‌بێت له‌لاواز بوونی‌ ئێسك ‌و به‌رزبوونه‌وه‌ی‌ فشاری‌ خوێن‌ و شێرپه‌نجه‌، به‌تایبه‌تی‌ شێرپه‌نجه‌ی‌ پرۆستات.

8-به‌م دواییانه‌ زانایانی سویدی نهێنی هێزی جه‌سته‌ ئاشكراده‌كه‌ن، كه‌ ده‌گه‌رێته‌وه‌ بۆ خواردنی ئه‌و نیتراته‌ی له‌ سه‌وزه‌ی سپیناخ دا هه‌یه‌.

9-هه‌وره‌ها سپیناغ ئه‌گه‌ری شێرپه‌نجه‌ی پرۆستات و شێرپه‌نجه‌ی هێلكه‌دانه‌كان به‌ رێژه‌ی (%34) كه‌م ده‌كاته‌وه‌و هه‌ر به‌هۆی ئه‌م ماده‌ دژه‌ ئۆكسانانه‌یه‌ كه‌ كۆنترۆڵی دابه‌شبوونی خانه‌كان ده‌كه‌ن.

10- سه‌لـمێنراوه‌ كه‌ سپیناغ یارمه‌تی فرمانه‌كانی مێشك ده‌دات به‌ تایبه‌تی له‌ به‌ساڵاچووه‌كاندا، چاوه‌كان له‌ كزبوونی په‌یوه‌ست به‌ ته‌مه‌ن ده‌پارێزێت، هه‌روه‌ها سپیناغ كانزای ئاسنی تێدایه‌ كه‌ پێویسته‌ بۆ خۆپاراستن له‌ كه‌م خوێنی.

PUKmedia ئاژانسه‌كان