چى یه‌؟

.

چى یه‌؟

× نه‌ دڵخۆشییت ئه‌داتێ، نه‌ دڵیشت دێ به‌جێى بێڵى... ئه‌گه‌ر كوردستان نى یه‌ چى یه‌؟!
× نه‌ چاكت ئه‌كاته‌وه‌، نه‌ ئه‌تنێرێ بۆ لاى یه‌كێكى تر... ئه‌گه‌ر دكتۆرى خۆمانى نى یه‌ چى یه‌؟!
× نه‌ دوعا كارى تێ ئه‌كات، نه‌ بایكۆت و ئه‌مانه‌... ئه‌گه‌ر ده‌سه‌ڵاتى كوردى نى یه‌ چى یه‌؟!
× نه‌ به‌ ته‌بیعى جوان بوو، نه‌ دواى سلیكۆن... ئه‌گه‌ر روومه‌تى خاتوو هین نى یه‌ چى یه‌؟!
× نه‌ سه‌رى هه‌یه‌، نه‌ حساب... ئه‌گه‌ر موشكیله‌ى كورد نى یه‌ چى یه‌؟!
× نه‌ په‌ڕله‌مانىیه‌، نه‌ سه‌رۆكایه‌تى... ئه‌گه‌ر ئه‌زموونه‌كه‌ى هه‌ولێر نى یه‌ چى یه‌؟!
× نه‌ ئاشبه‌تاڵى لێ ئه‌كات، نه‌ چاكى ئه‌كاته‌وه‌... ئه‌گه‌ر مه‌كته‌ب سیاسى نى یه‌ چى یه‌؟!
× نه‌ تامى مریشكى كوردى ئه‌دات، نه‌ تامى مریشكى مه‌سڵه‌حه‌... ئه‌گه‌ر ئه‌وه‌ى ژێرپرده‌كه‌ نى یه‌ چى یه‌؟!
× هه‌م رووى مه‌جلیسى هه‌یه‌ و هه‌م ئه‌شتوانى پێوه‌ى بخه‌وى... ئه‌گه‌ر شه‌رواڵى كوردى نى یه‌ چى یه‌؟!
× هه‌م ئێمه‌ ئه‌و ده‌خۆین و هه‌م ئه‌ویش ئێمه‌ ده‌خوات... ئه‌گه‌ر خه‌فه‌ت نى یه‌ چى یه‌؟!
× نه‌ ته‌فتیشى سه‌یاره‌كه‌ت ئه‌كات، نه‌ داواى هه‌وێ له‌ خۆت... ئه‌گه‌ر سه‌یته‌ره‌كه‌ى عه‌ربه‌ت نى یه‌ چى یه‌؟!