riklam

سانا مه‌حمود كێیه‌؟

هەمەرەنگ 09:43 PM - 2018-12-21
.

.

شه‌وی رابردو 20-12-2018، چواره‌مین خولی هه‌ڵبژاردنی شاجوانی كوردستان له‌ هه‌ولێر به‌ڕێوه‌چوو و سانا مه‌حمود، كچه‌ هه‌ڵه‌بجه‌ییه‌ك به‌ شاجوانی 2018 ی كوردستان هه‌ڵبژێردرا.

له‌كۆی 107 كچ كه‌ له‌ شاره‌كانی هه‌رێمی كوردستانه‌وه‌ ناویان بۆ پێشبڕكێی شاجوانی كوردستان پێشكه‌ش كردبوو، دوای هه‌ڵسه‌نگاندنه‌كان ته‌نیا 14 كچ مابوونه‌وه‌، حه‌وتیان خه‌ڵكی سلێمانی، چواریان خه‌ڵكی هه‌ولێر بوون، یه‌كێكیان له‌ دهۆك، یه‌كێك له‌ كه‌ركوك و كچێكیشیان له‌ هه‌ڵه‌بجه‌ به‌شداری چواره‌مین هه‌ڵبژاردنی شاجوانی كورستان بوون.

سانا مه‌حمود ته‌مه‌ن 22 ساڵ له‌ئاهه‌نگێكی تایبه‌تدا له‌ هه‌ولێر وه‌ك چواره‌مین شاجوانی كوردستان هه‌ڵبژێردراو.

سانا مه‌حمود خه‌ڵكی شاری هه‌ڵه‌بجه‌ی شه‌هیده‌و باوكی سانا پێشمه‌رگه‌ی كۆن بووه‌و له‌ خه‌باتی پێشمه‌رگایه‌تیدا به‌ مه‌حمود كه‌شكۆڵ ناوی ده‌ركردووه‌و هه‌رله‌ سه‌ره‌تای سه‌رهه‌ڵدانی شۆڕشی نوێی گه‌له‌كه‌مان و دروستبوونی مه‌فره‌زه‌ سه‌ره‌تاییه‌كان چۆته‌ شاخ و بۆته‌ پێشمه‌رگه‌و به‌شداری چه‌ندین نه‌به‌ردی و داستانی پێشمه‌رگایه‌تی كردووه‌، دواتر به‌ خێزانه‌وه‌ چوونه‌ته‌ ئه‌وروپاو له‌ وڵاتی سودی نیشته‌جێبوون.

خێزانی سانا ماوه‌ی 25 ساڵه‌ له‌ وڵاتی سوید نیشته‌جێن، هه‌رچه‌نده‌ ماوه‌یه‌ك هاتوونه‌ته‌وه‌ بۆ كوردستان، به‌ڵام به‌هۆی هه‌ندێ هۆكاره‌وه‌ گه‌ڕاونه‌ته‌وه‌ بۆ سوید.

سانا یه‌كێكه‌ له‌و كچه‌ بوێرانه‌ی كه‌ به‌وته‌ی خۆی خێزانه‌كه‌ی هه‌موو جۆره‌ پشتیوانییه‌كی ده‌كه‌ن له‌ پرۆژه‌و به‌رنامه‌كانیدا، ئومێدی ئه‌وه‌شی لێده‌كه‌ن به‌هۆی ئه‌و نازناوه‌وه‌ هیواو ئومێده‌كانی بێنه‌دی، له‌ به‌ئه‌نجامگه‌یاندنی پڕۆژه‌كانی، تا بتوانێت سه‌ركه‌وتووبێت له‌ خزمه‌تگه‌یاندن به‌ میلـله‌ته‌كه‌ی.

سانا مه‌حمود دوای هه‌ڵبژاردنی وه‌ك شاجوانی 2018 ی كوردستان، رایگه‌یاند: زۆر خۆشحاڵه‌ كه‌ بووه‌ به‌ شاجوانی كوردستان بۆ ساڵی 2018، خۆشه‌یستی بۆ هه‌موو لایه‌ك و كوردستان هه‌یه‌، وتیشی: پلان و به‌رنامه‌م زۆره‌و له‌داهاتوو ئاشكرای ده‌كه‌م كه‌ له‌ماوه‌ی ساڵێكی شاجوانی چی ده‌كه‌م.

هه‌ر له‌ وه‌ڵامی پرسیارێكدا سه‌باره‌ت به‌هۆكاری هه‌ڵبژاردنی خۆی وه‌ك شاجوان رایگه‌یاند: كه‌ بڕوای به‌خۆی هه‌بووه‌و، ره‌نگه‌ بۆ ئه‌وه‌ش بگه‌ڕێته‌وه‌ بۆ تایبه‌تمه‌ندییه‌ك كه‌ له‌لای لیژنه‌ی دادوه‌ری زۆر سپه‌یشه‌ڵ و تایبه‌ت بووه‌.

PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket