فیلمی كوردی ئیڤان له‌ ئه‌مریكا نمایش كرا

.

له‌شاری واشنتۆن پایته‌ختی ئه‌مریكا فیلمی كوردی ئیڤان له‌ ده‌رهێنانی ڕه‌فیق فوئاد یارئه‌حمه‌دی ده‌رهێنه‌ری كوردی ڕۆژهه‌ڵات نمایش كرا.

له‌وباره‌یه‌وه‌ ده‌رهێنه‌ر ڕه‌فیق فوئاد یارئه‌حمه‌دی تایبه‌ت به‌ PUKmedia ی  ڕایگه‌یاند: فیلمی ئیڤان له‌ گه‌ڵ سێ به‌رهه‌م دیكه‌ی فیلمسازانی كورد شه‌پۆل عه‌بباسی و شوان عوتوف نمایش كران.

وتیشی: دوای نمایشی فیلمه‌كان موزه‌فه‌ر شافیعی ده‌رهێنه‌ر و ئه‌كته‌ری بواری شانۆ و سینه‌ما باسێكی له‌سه‌ر سینه‌مای كوردی به‌ زمانی ئینگلیزی پێشكه‌ش ئاماده‌بووان كرد و دواتر وه‌ڵامی پرسیاری بینه‌رانی دایه‌وه‌ سه‌باره‌ت به‌ ئه‌م چه‌ند فیلمه‌ی وا نمایش كران.

شایانی باسه‌ كه‌ فیلمی -  ئیڤان، چیرۆكی رزگاربوویه‌ك - تا ئێستا چه‌ندین خه‌ڵاتی نێوده‌وڵه‌تی وه‌ر گرتووه‌ و هه‌ر ئێستا له‌ چه‌ندین فێستیڤاڵی جیاوازدا له‌ پێشبركێدایه‌.

PUKmedia