كۆگایه‌كی چه‌ك و ته‌قه‌مه‌نی له‌ نه‌جه‌ف ده‌ته‌قێته‌وه‌

.

كۆگایه‌كی چه‌ك و ته‌قه‌مه‌نی له‌ نه‌جه‌ف ته‌قییه‌وه‌و به‌هۆیه‌وه‌ ژماره‌یه‌ك هاووڵاتی برینداربوون.

سه‌رچاوه‌یه‌كی ئه‌منی له‌پارێزگای نه‌جه‌ف له‌باشووری عیراق رایگه‌یاند، له‌ئه‌نجامی ته‌قینه‌وه‌ی كۆگایه‌كی چه‌ك و ته‌قه‌مه‌نی له‌پارێزگای نه‌جه‌ف شه‌ش كه‌س برینداربوون.

ئه‌و سه‌رچاوه‌یه‌ راشیگه‌یاندوه‌: كۆگاكه‌ له‌ناوچه‌یه‌كی كشتوكاڵی به‌ره‌و ناوچه‌ی حه‌یده‌رییه‌ بووه‌و بڕێكی زۆر موشه‌ك و ته‌قه‌مه‌نی جۆراوجۆی تێدا عه‌مبار كرابوو.

دوابه‌دوای ته‌قینه‌وه‌كه‌، تیمه‌كانی به‌رگری شارستانی روویان له‌ ناوچه‌كه‌ كرد بۆ به‌هاناوه‌چوونی برینداره‌كان.

تائێستاش هۆكاری ته‌قینه‌وه‌ی كۆگاكه‌ ئاشكرا نه‌كراوه‌.

PUKmedia ئاژانسه‌كان