بازیان.. سێ تۆمه‌تبار ده‌ستگیر ده‌كرێن

.

له‌لایه‌ن هێزه‌كانی بنكه‌ی پۆلیسی ناحیه‌ی بازیانه‌وه‌ سێ تۆمه‌تبار ده‌ستگیر ده‌كرێن.

له‌راگه‌یه‌ندراوێكدا، پۆلیسی سلێمانی ئاشكرایكردوه‌:"مه‌فره‌زه‌كانی بنكه‌ی پۆلیسی ناحیه‌ی بازیانی سه‌ر به‌به‌رێوه‌به‌رایه‌تی پۆلیسی پارێزگای سلێمانی سێ تۆمه‌تباری داواكراویان ده‌ستگیر كرد".

رونیشكراوه‌ته‌وه‌:"له‌به‌رده‌وامیی ھه‌ڵمه‌ت و چالاكییه‌كانی به‌ش و بنكه‌كانی به‌رێوه‌به‌رایه‌تی پۆلیسی پارێزگای سلێمانی بۆ ده‌ستگیركردنی ئه‌و تۆمه‌تبارانه‌ی له‌لایه‌ن دادگاوه‌ داواكراون و راسته‌وخۆ له‌لایه‌ن به‌رێوه‌به‌ری پۆلیسی پارێزگای سلێمانییه‌وه‌ سه‌رپه‌رشی ده‌كرێت، بنكه‌ی پۆلیس بازیان سێ تۆمه‌تباریان ده‌ستگیركرد".

ئاماژه‌ به‌وه‌شدراوه‌:"ھه‌رسێ تۆمه‌تباره‌كه‌ به‌پێی ماده‌كانی (٤٤٣، ٤٥٦، ٤٤٦) له‌یاسای سزادانی عێراقی ده‌ستگیركراون و له‌لایه‌ن دادگاوه‌ داواكراو بون".

باسله‌وه‌شكراوه‌:"له‌ئێستادا له‌لایه‌ن بنكه‌ی ناوبراوه‌وه‌ په‌راوی لێكۆڵینه‌وه‌یان بۆ كراوه‌ته‌وه‌و به‌بریاری دادوه‌ر به‌ندن".

PUKmedia به‌رێوه‌به‌رایه‌تی پۆلیسی پارێزگای سلێمانی - راگه‌یاندن و په‌یوه‌ندییه‌كان