نادیە موراد تراژیدیای ئێزیدییەكان بۆ نێچیرڤان بارزانی دەگێڕێتەوە
کوردستان 03:46 PM - 2018-12-13.
نادیە موراد براوەی خەڵاتی نۆبڵ بۆ ئاشتی دوای سەردانی بەغداو دیداری لەگەڵ د.بەرهەم ساڵح سەرۆك كۆماری عیراق و بەرپرسان، سەردانی هەرێمی كرد.
نادیە موراد لەدیدارێكیدا لەگەڵ نێچیرڤان بارزانی سەرۆكی حكومەتی كاربەڕێكەر، كارەسات و تراژیدیای ئێزدییەكانی بۆ بارزانی گێڕایەوە كە لەسەر دەستی تیرۆرستانی داعش بەسەریاندا هات، بەتایبەت لە بەدەستەوەدانی شەنگال لە بەرەبەیانی 3ی ئابی 2014دا.
بەپێی راگەیەنراوێكی حكومەتی هەرێمی كوردستان، كە وێنەیەكی گەیشتۆتە PUKmedia، ئەمڕۆ 13ی كانونی یەكەمی 2018، نێچیرڤان بارزانی سەرۆكی حكومەتی هەرێم، پێشوازی لە نادیە موراد خاوەنی خەڵاتی نۆبڵی ئاشتی كردوە.
لە دیدارەكەدا وێڕای پشتگیری بۆ كارو چالاكییە مرۆییەكانی نادیە لەپێناو ئاشتەوایی و خزمەتكردنی قوربانیانی ئێزدی و گەیاندنی دەنگیان بەجیهان، راشیگەیاند: هەوڵەكانیان بۆ روبەڕووبوونەوەی تیرۆرو بەسزاگەیاندنی تیرۆرستانی داعش و ناساندنی كەیسی ئێزدییان وەك جینۆساید لە جیهان و پاراستنیان دووپاتكردۆتەوە.
لای خۆیەوە نادیە موراد پوختەیەكی دەربارەی بەسەرهات و تراژیدیای خۆیی و ئێزدییانی بۆ نێچیرڤان بارزانی گێڕایەوەو تیشكی خستۆتە سەر هەوڵەكانی لەپێناو گەڕانەوەی ئارامی و ئاشتەوایی بۆ كۆمەڵگەی ئێزدی و تەواوی قوربانیانی دەستی تیرۆر بەگشتی.
نادیە باسی لە دۆخی ئێستای ئێزدییان و ناوچەی شەنگال بەتایبەتی كردو داوای لەحكومەتی هەرێم كرد رۆڵی خۆی بگێڕێت لەئاوەدانكردنەوەی شەنگال و ناوچەكانی دیكەی ئێزدییان و گەڕاندنەوەی ئاوارەكان و ژیان و پاراستنی سەقامگیری لەو ناوچانە.
پاشان نادیە موراد كۆپیەكی كتێبەكەی بەناوی (دوایین كچ)دا بەنێچیرڤان بارزانی كە بەزمانی ئینگلیزییەو باس لەكارەساتی جینۆسایدی ئێزدیان و نەهامەتییەكانسیان دەكات كە لەبەدەستەوەدانی شەنگالدا بەسەریانداهات.
دوای ئەوەی نادیە موراد وەك باڵیۆزی نیازپاكی جیهانی نەتەوەیەكگرتوەكان دەستنیشانكرا، هەموو تواناكانی بەتایبەت سەردانی وڵاتان و سەرۆك و ناوەندە نێودەوڵەتییەكان بەنەتەوە یەكگرتوەكانیشەوە بۆ ناساندنی كەیسی بەجینۆسایدناساندنی كەیسی ئێزدییەكان لەسەر دەستی داعش.
نادیە موراد بۆ گەیاندنی ئەو هاوكاری و كۆمەكە نێودەوڵەتییانەی بەدەستیان دەهێنێت تابتوانێت بیگەیەنێتە ئاوارەو لێقەواماوانی ئێزدی رێكخراوی (یەزادا) دامەزراند، بەڵام لەسەرەتای ساڵی 2017دا هێزەكانی ئاسایشی پارتی لەشاری دهۆك نوسینگەی رێكخراوەكەیان لەو شارە داخست.
لەوبارەیەوە ئەوكاتە جەمیل نایف بەڕێوەبەری نوسینگەی دهۆكی رێكخراوی ئێزدا كە تایبەتە بەكاروباری ئێزدییەكان رایگەیاندبوو، هێزەكانی ئاسایشی دهۆك هەڵیانكوتاوەتە سەریان و سەرجەم بارەگاكانی رێكخراوەكەیانی داخستوین. ئەوەشی رونكردبوەوە داخستنی رێكخراوەكەیان بەشێوەیەكی چاوەڕواننەكراو بوو.
PUKmedia تایبەت
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19