UN: ملیۆنێك منداڵی سوری له‌ئاواره‌یدا له‌دایك بوون

.

رێكخراوی نه‌ته‌وه‌یه‌كگرتوه‌كان ئاشكرایكرد، له‌سه‌ره‌تای ده‌ستپێكردنی قه‌یرانی سوریاوه‌، نزیكه‌ی ملیۆنێك منداڵی سوری له‌ ده‌ره‌وه‌ی وڵاته‌كه‌یان له‌دایك بوون.

به‌پێی ئه‌و ئامارانه‌ی له‌لایه‌ن نه‌ته‌وه‌یه‌كگرتووه‌كانه‌وه‌ بڵاوكراونه‌ته‌وه‌، دوای ئاواره‌بوونی ملیۆنان ھاووڵاتی سوری له‌ساڵی 2011،  نزیكه‌ی یه‌ك ملیۆن منداڵی سوری له‌ وڵاتانی دراوسێ له‌دایك بوون، ئه‌مه‌ش ئه‌ركی رێكخراوه‌كه‌ی له‌ گه‌یاندنی ھاوكاری مرۆیی به‌ ئاواره‌ سورییه‌كان قورستركردووه‌.

ئاماژه‌ به‌وه‌شكراوه‌، نه‌ته‌وه‌یه‌كگرتووه‌كان پلانی داڵاشتووه‌ بۆ ھاوكاریكردنی وڵاتانی دراوسێی به‌و ئامانجه‌ی دوای ساڵی 2020 ژماره‌ی ئاواره‌كانی سوریا به‌شێوه‌یه‌كی به‌رچاو كه‌م ببێته‌وه‌.

PUKmedia ئاژانسه‌كان