د.بەرهەم و عەبدولمەهدی تەواوكردنی پێكهاتەی حكومەت تاووتوێ دەكەن

.

ئەمڕۆ 12ی كانونی یەكەمی 2018، سەرۆك كۆمار د. بەرهەم ساڵح لە بەغدا پێشوازیكرد لە عادل عەبدولمەهدی سەرۆكی ئەنجومەنی وەزیران و پێكەوە گفتوگۆیان كرد لە بارەی گرنگترین گۆڕانكارییە سیاسییەكانی عیراق و ناوچەكەو هەوڵەكانی پەیوەست بەتەواوكردنی كابینەی وەزاری و دەستپێشخەرییەكانی حكومەت بۆ جێبەجێكردنی بەرنامە خزمەتگوزارییەكەی.

هەر لەو دیدارەدا یادی یەكەمین ساڵڕۆژی سەركەوتن بەسەر تاقمی داعشی تیرۆرست بە بیرهێنرایەوە كە لەو رۆژەدا تەواوی شارو شارۆچكەو گوندەكانی عیراق لەچنگی ئەو گروپە تیرۆرستە رزگاركران. 

لە بەشێكی تری دیدارەكەدا پێویستی بەهێزكردن و پاراستنی سەركەوتنەكان دووپاتكرایەوە كە لەڕێی بوژانەوەی باری خزمەتگوزاری و ئابووری لە وڵات و پتەوكردنی یەكڕیزی نیشتمانییەوە دێتە دی.

PUKmedia