كێ موشكیله‌كه‌ى چى یه‌؟

.

كێ موشكیله‌كه‌ى چى یه‌؟

به‌ حیكمه‌تى ره‌بولعاله‌مین هه‌ر كه‌سه‌و موشكیله‌یه‌كى هه‌یه‌. مه‌سه‌له‌ن:
× موشكیله‌ى فه‌رهاد ئه‌وه‌یه‌ شیرینه‌كه‌ى تاڵه‌.
× حكومه‌ت: هیچ شتێك نه‌ماوه‌ بیبرێ.
× قوڕمساغ: به‌ ئاسانى ناناسرێته‌وه‌.
× میوان: ئه‌و شه‌وه‌ى یاریى كلاسیكۆیه‌ ته‌شریف دێنێ.
× ئینسانى موحته‌ره‌م: نازانێ ئیحتیرامى هه‌موو كه‌س نه‌گرێ.
× قسه‌كه‌رى حیزب: قسه‌ى تازه‌ى پێنه‌ماوه‌.
× رۆشنبیر: به‌ده‌ست ئه‌قڵىیه‌وه‌ گیرى خواردووه‌.
× نالى: شاعیریشه‌ و فولكه‌شه‌.
× گورگ: بڕواى به‌ یاساكانى كه‌روێشك نىیه‌.
× رابوردوو: ناڕوات.
× شاحینه‌: وایه‌ره‌كه‌ى زۆر كورته‌.
× به‌نداو: به‌رگه‌ى باران ناگرێ.
× سلێمانى: كوێخاى زۆره‌.
× به‌عزه‌ مه‌سئولێك: مه‌سئول نىیه‌.