قوباد تاڵه‌بانی هاوخه‌می بۆ كۆچی دوایی د.جه‌مال نه‌به‌ز ده‌رده‌بڕێت

.

به‌بۆنه‌ی كۆچی دوایی پڕۆفیسۆر دكتۆر جه‌مال نه‌به‌ز-ه‌وه‌، قوباد تاڵه‌بانی جێگری  سه‌رۆك وه‌زیران، پرسه‌نامه‌یه‌ك ئاڕاسته‌ی بنه‌ماڵه‌ی كۆچكردوو و سه‌رجه‌م رۆشنبیران وگه‌لی كورد ده‌كات.

ئه‌مه‌ش ده‌قی پرسه‌نامه‌كه‌...

به‌ڕێزان كه‌سوكاری بیرمه‌ندی كورد پڕۆفیسۆر دكتۆر جه‌مال نه‌به‌ز
به‌ڕێزان نوسه‌ر و رۆشنبیرانی گه‌لی كورد
زۆر به‌داخه‌وه‌، نوسه‌ر و بیرمه‌ندی كورد، پڕۆفیسۆر دكتۆر  جه‌مال نه‌به‌ز، كۆچی دوایی كرد، به‌م بۆنه‌ غه‌مناكه‌وه‌ پرسه‌ وسه‌ره‌خۆشی خۆم ئاراسته‌ی كه‌سوكار و ھه‌موو رۆشنبیران وگه‌لی كورد ده‌كه‌م.
كۆچی دوایی پڕۆفیسۆر جه‌مال نه‌به‌ز خه‌ساره‌تێكی گه‌وره‌یه‌ بۆ گه‌له‌كه‌مان به‌تایبه‌ت له‌ بواری روناكبیریدا، ئه‌و بیرمه‌نده‌ مه‌زنه‌ له‌سه‌ر رێچكه‌یه‌كی نه‌ته‌وه‌یی كاری ده‌كرد و هه‌میشه‌ هه‌وڵی ده‌دا له‌ڕێی كاره‌كانی، مێژوو و قوربانیه‌كانی گه‌لی كورد به‌ جیهان بناسێنێت.
له‌په‌روه‌ردگاری مه‌زنمان  داوایه‌ گیانی دكتۆر جه‌مال نه‌به‌ز به‌ به‌ھه‌شتی به‌رین شاد بكات و سه‌بوریش به‌ھه‌موو لایه‌ك ببه‌خشێت.

انا لله‌ وانا الیه‌ راجعون
قوباد تاڵه‌بانی
جێگری  سه‌رۆك وه‌زیران

PUKmedia