ره‌هبه‌ری سه‌ید براهیم هاوخه‌می بۆ كۆچیدوایی سێ كه‌سایه‌تی ده‌رده‌بڕێیت

.

لێپرسراوی مه‌كته‌بی راگه‌یاندنی یه‌كێتیی نیشتمانیی كوردستان بۆ كۆچیدوایی پرۆفیسۆر د. جه‌مال نه‌به‌ز و ده‌رهێنه‌ر ره‌حیمی زه‌بیحی و حاجی حه‌مدییه‌ مسته‌فا خۆشناو هاوخه‌می ده‌رده‌بڕێت.

ده‌قی پرسه‌نامه‌كان...............

بۆ كەسوكاری خوالێخۆشبوو
حاجی حەمدیە مستەفا خۆشناو دایكی تێكۆشەری دێرینی گەلەكەمان د.غازی , بەداخ و پەژارەیەكی زۆرەوە هەواڵی كۆچی دوایی حاجی حەمدیە-مان پێگەیشت بۆ ئەم بۆنە خەمناكە هاوخەمی خۆمتان ئاڕاستە دەكەم و داواكارم لە پەروەردگاری مەزن دوا ناخۆشی بنەماڵە تێكۆشەرەكەتان بێت
انا لله و انا الیە راجعون

رەهبەر سەید برایم
لێپرسراوی مەكتەبی راگەیاندنی ی.ن.ك

بۆ كەسوكاری خوالێخۆشبوو پڕۆفیسۆر د.جەمال نەبەز نوسەر و بیرمەندی كورد
ئەمڕۆ هەواڵی ماڵئاوایی پڕۆفیسۆر د.جەمال نەبەز-مان پێگەیشت ئەم كۆسپە لە دڵەوە غەمگینی كردین و لەدەستدانی ئەو نوسەر و بیرمەندەش خەسارەتێكی گەورەیە بۆ گەلەكەمان و بواری روناكبیریی گەلی كورد ,  پڕۆفیسۆر د.جەمال نەبەز بیرمەندێكی نەتەوەیی و رۆژنامە نووس و نوسەرێكی لێهاتوو بووە و هەمیشە لە هەوڵدا بووە بۆ ناساندنی مێژوو و قوربانیدانی گەلی كورد بە جیهان , داواكارم لە خودای گەورە رۆحی د.جەمال نەبەز بە بەهەشتی بەرینی شاد بكات و دوا ناخۆشی بنەماڵە تێكۆشەرەكەشتان بێت
انا لله و انا الیە راجعون

رەهبەر سەید برایم
لێپرسراوی مەكتەبی راگەیاندنی ی.ن.ك

بۆ كۆچی ناوادەی رەحیمی زەبیحی
بەداخ و پەژارە و دڵتەنگییەكی زۆرەوە جارێكیتر یەكێك لە هونەرمەند و دەرهێنەرە بەتواناكانی كورد كاكە رەحیمی زەبیحی و كاكە كەیوانی برای بەهۆی رووداوێكی دڵتەزێنی هاتووچۆوە بۆ دواجار ماڵئاواییان لێكردین , گیانلەدەستدانی ئەم سینەماكار و دەرهێنەرە بەتوانایەی كورد لە بوارەكانی دەرهێنان و نووسینی شانۆنامە و رۆڵبینین و بەرهەمە شانۆییەكاندا چەندین خەڵاتی وەرگرتووە كۆسپێكی دیكەیە بەر هونەری سینەما و شانۆی كورد دەكەوێت , بۆ ئەم بۆنە خەمناكە سەرەخۆشی لە خۆمان و تەواوی گەلی كورد و هونەرمەندان و هونەر دۆست و سینەماكاران دەكەین هیوا خوازین رۆحی كاكە رەحیمی زەبیحی و براكەی بە بەهەشتی بەرین شادبكات
انا لله و انا الیە راجعون

رەهبەر سەید برایم
لێپرسراوی مەكتەبی راگەیاندنی ی.ن.ك

PUKmedia