پرسه‌نامه‌ی یه‌كێتی بۆ كۆچی دوایی د.جه‌مال نه‌به‌ز

.

مه‌كته‌بی سیاسی یه‌كێتی نیشتمانی كوردستان بۆ كۆچیی دوایی د. جه‌مال نه‌به‌ز پرسه‌نامه‌یه‌ك ئاڕاسته‌ی خانه‌واده‌كه‌ی ده‌كات.

ده‌قی پرسه‌نامه‌كه‌....

بۆ بنەماڵەی کۆچکردوو پرۆفیسۆر دکتۆر جەمال نەبەز

بەداخ و پەژارەیەکی زۆرەوە ھەواڵی کۆچی دوایی "پرۆفیسۆر دکتۆر جەمال نەبەز"مان پێگەیشت، بەم بۆنە غەمناکەوە پرسەو سەرەخۆشی خۆمان رادەگەیەنین و ھیواخوازین پەروەردگار گیانی "دکتۆر جەمال نەبەز" بەبەھەشتی بەرینی شاد بکات.

"پرۆفیسۆر دکتۆر جەمال نەبەز" بیرمەندێکی نەتەوەیی، زمانزان، رۆژنامەنوس، نوسەر و وەرگێڕێکی گەورەی کورد بوو،  لەرێی چەندین سیمیناری زانستی و سیاسیەوە لەئەوروپا ھەوڵی ناساندنی مێژوو و شۆڕش و قوربانیدانی گەلی کوردستانی داوە.

لەدەستدانی "پرۆفیسۆر دکتۆر جەمال نەبەز" داخێکی گەورەیە بۆ گەلەکەمان، ھیوادارین ئەمە دوا ناخۆشی بنەماڵە تێکۆشەرەکەتان بێت و رۆحی کۆچکردووش بۆ ھەمیشە شاد بێت.

راگەیاندنی مەکتەبی سیاسی
(ی.ن.ک)

PUKmedia