حاكم قادر.. باشكردنی گوزه‌رانی خه‌ڵك ئه‌ركی له‌ پێشینه‌مان ده‌بێت

.

به‌رزكردنه‌وه‌ی ئاستی بژێوی و چاكتركردنی حاڵ و گوزه‌رانی توێژی كرێكاران و ده‌سته‌به‌ركردنی بیمه‌ی بێكاری و پاراستنی ته‌ندروستیان به‌پێی یاسایه‌كی كاری سه‌رده‌میانه‌، به‌هه‌ند وه‌رگرتنی ڕه‌نج وماندوبونیان، له‌گه‌ڵ بوژاندنه‌وه‌و خستنه‌ گه‌ڕی بازاڕو سه‌نته‌ره‌كانی بازرگانی، به‌ئاڕاسته‌ی گه‌شه‌سه‌ندنی مرۆیی و ئابوری و به‌رگریكردن له‌مافه‌ به‌ده‌ست نه‌هاتووه‌كانیان، كارنامه‌و ئه‌ركی له‌ مێژینه‌ی یه‌كێتیی نیشتمانیی كوردستانه‌ .

ئه‌و وتانه‌ی حاكم قادرحه‌مه‌ جان سه‌رپه‌رشتیاری مه‌ڵبه‌نده‌كانی ڕێكخستنی سلێمانی و چه‌مچه‌ماڵی (ی.ن.ك) له‌سه‌رپه‌رشتیكردنی ئه‌و كۆبوونه‌وه‌ فراوانه‌وه‌ هات كه‌ سه‌رله‌ئێواره‌ی ئه‌مڕۆ 8-12-2018، بۆ گوێگرتن له‌داخوازی و كێشه‌و گرفته‌كانیان و دۆزینه‌وه‌ی ڕێگاچاره‌ی گونجاو بۆچاره‌سه‌ری گرفته‌كانیان، له‌گه‌ڵ زیاتر له‌ 300 كرێكار و بارهه‌ڵگری كۆگاكانی هووانه‌ به‌ڕێوه‌چوو .

هه‌رله‌درێژه‌ی وته‌كانیدا به‌ئاماده‌بووانی راگه‌یاند: بۆ باشتركردنی گوزه‌رانی كرێكاران و بارهه‌ڵگرانی كارگه‌و له‌ گه‌نجینه‌و كۆگاكانی هوانه‌و هه‌ر جێگه‌یه‌كی دیكه‌ی هه‌رێم به‌ئاڕاسته‌ی گه‌شه‌سه‌نی نیشینگه‌كانی كاركردن و بۆ پشتیوانیكردنی داخوازییه‌كانیان هاوكارو پشتیوان ده‌بین و داواشی له‌حكومه‌تی هه‌رێمی كوردستان كرد له‌كابینه‌ی نوێی حكومه‌تدا ڕه‌چاوی مافه‌ڕه‌وا یاسایی یه‌كانی ئه‌و توێژه‌ گرنگه‌ی نێو كۆمه‌ڵگا بكات.  

PUKmedia