riklam

مووچه‌ی وارسی شه‌هیدان و ئه‌نفالكراوان و زیندانیان زیادده‌كرێت

ئابوری 03:07 PM - 2018-12-08
.

.

پێشنیوه‌ڕۆی رۆژی 8-12-2018 له‌كۆنگره‌یه‌كی رۆژنامه‌وانیدا كه‌ له‌ نوسینگه‌ی تایبه‌تی كاركردنی له‌ شاری سلێمانی سازی كرد، وه‌زیری كاروباری شه‌ھیدان و ئه‌نفالكراوانی حكومه‌تی ھه‌رێم ئاماژه‌ی به‌ ھه‌وڵه‌كانی وه‌زاره‌ت كرد بۆ ھاوتاكردنی مووچه‌ی شه‌ھیدان له‌گه‌ڵ شه‌ھیدانی عێراق و ئاماژه‌ی به‌ كاری ئه‌و لێژنه‌یه‌ كرد كه‌ بۆ به‌دواداچوونی جێبه‌جێكردنی بڕیاری ئه‌نجوومه‌نی نوێنه‌رانی عێراق ژماره‌ 26 ی 2018 سه‌ردانی به‌غدای  كردبوو و ڕایگه‌یاند: "داوامان كردووه‌ له‌ساڵی نوێدا یه‌كبخرێته‌وه‌ و به‌و شێوه‌یه‌ش مووچه‌كه‌یان رێكده‌خری دوای ئه‌وه‌ی یاسا و رێنمای و سیاسییه‌ دارایی و ئیدارییه‌كان ھه‌موار ده‌كری.

مه‌حمود حاجی ساڵح وه‌زیری شه‌ھیدان و ئه‌نفاكراوان وتیشی: "له‌چه‌ند ڕۆژی ڕابردوودا وه‌فدێكمان سه‌ردانی به‌غدای كرد و له‌كۆبوونه‌وه‌یه‌كدا یاداشتێكیان ئیمزای كردوه‌ كه‌تێیدا داوای سه‌رجه‌م مافه‌كانی كه‌سوكاری شه‌ھیدان و ئه‌نفالكراوان و زیندانیان سیاسییان كراوه‌ و له‌گه‌ڵ سه‌رفكردنی زیاده‌ی موچه‌كانیشیان كه‌ له‌ عێراق دابه‌ش ده‌كرێت".

راشیگه‌یاند: "بۆ ھاوتاكردنی مینحه‌ و ئیمتیازاته‌كان و ھه‌موار كردنه‌وه‌ی ئه‌و ڕێنمایانه‌ی له‌عێراق و ھه‌رێم جیاوازه‌ له‌كۆبوونه‌وه‌كه‌دا چه‌ند ڕاسپارده‌یه‌ك واژوو كراوه‌ و ڕه‌وانه‌ی حكوومه‌تی ھه‌رێمی كوردستانی ده‌كه‌ین و به‌دڵنیایشه‌وه‌ زیندانیانی سیاسی و كه‌سوكاری ئه‌نفالكراوان و شه‌ھیدانی ھه‌رێم مینحه‌كه‌یان وه‌كو عیراقی لێ ده‌كرێت و زیاد ده‌بێت".

سه‌باره‌ت به‌ كاتی ھاوتاكردنی مووچه‌كه‌ش مه‌حمود حاجی ساڵح ئه‌وه‌ی خسته‌ڕوو: "ئێمه‌ داوامان كردووه‌ له‌ ساڵی نوێدا ھاوتاكردنی مووچه‌ی كه‌سوكاری شه‌ھیدان و ئه‌نفالكراوان و زیندانیانی سیاسی ھه‌رێم جێبه‌جێ بكرێت به‌ڵام به‌دیاری كراوی كاته‌كه‌ی ده‌ست نیشان نه‌كراوه‌".

ئاشكراشیكرد: "له‌ھه‌رێمی كوردستان به‌پێی پله‌ بڕی مووچه‌كه‌یان جیاوازه‌ به‌ڵام له‌ عێراق ئه‌و جیاوازییه‌ نییه‌ و ھه‌موویان بڕی مووچه‌كه‌یان وه‌كه‌ یه‌كه‌ بۆیه‌ ده‌بێت ئه‌و  ڕێنمایی و یاسا داراییانه‌ یه‌ك بخرێته‌وه‌".

وه‌زیری شه‌ھیدان و ئه‌نفاكراوان ئاماژه‌ی به‌وه‌شكرد: "بۆ ڕاییكردنی ته‌واوی كاره‌كانی قوربانیانی كیمیاباران و جینۆساید و شه‌ھیدان و زیندانیانی ‌عیراق و ھه‌رێم پێشنیار كراوه‌، ده‌زگای شه‌ھیدانی عێراق گه‌وره‌تر بكرێت و وه‌ك وه‌زاره‌تی لێ بكرێت".

سه‌باره‌ت به‌ كرێی خوێندنی خوێندكارانی كه‌سوكاری شه‌ھیدان ڕوونیكرده‌وه‌: "له‌ راسپارده‌كانی لێژنه‌كه‌ داوا كراوه‌ كۆبوونه‌وه‌یه‌كی فراوان له‌ نیوان وه‌زاره‌تی شه‌ھیدان و ھه‌ردوو وه‌زاره‌تی خوێندنی باڵای عێراق و ھه‌رێم ساز بكرێ و باسی پرسی وه‌رگرتنی كوڕ و كچی شه‌ھیدان و زیندانیانی سیاسی له‌ سه‌رجه‌م زانكوكانی عێراقدا تاوتوی بكریت و بڕیاری بو بدرێت به‌وه‌ش كوڕ و كچی شه‌ھیدان و زیندانیانی سیاسی كوردستان ده‌توانن به‌ منافسه‌ له‌ سه‌رجه‌م زانكوكانی عێراق ده‌توا له‌س  بخوێنن".

بۆ كرێی خوێندنیش وتی: "ره‌زامه‌ندی له‌سه‌ركرێی خوێندنی ساڵ2016 بو 2017 خه‌ركراوه‌ و ره‌زامه‌ندیش بۆ ساڵانی دواتر 2017 بۆ 2018  كه‌ بۆ خوێندكاران خه‌رج بكرێت".

ھه‌روه‌ك ئاماژه‌ی به‌ خاڵه‌كه‌نی راسپارده‌كانی لێژنه‌ تایبه‌ته‌كه‌ كرد و ھیچ كاتێكی دیاریكراوی دیاری نه‌كرد و گه‌شبینی خۆی بۆ به‌ ئه‌نجام گه‌یاندنی كاره‌كانی ھاوتاكردنی مووچه‌ی شه‌ھیدان و زیندانیانی سیاسی ده‌ربڕی.

ھه‌ر له‌ كۆنفرانسه‌كه‌دا ئه‌حمه‌د مام ره‌سوڵ سه‌رۆكی ئه‌و وه‌فده‌ی سه‌ردانی به‌غدایان كردووه‌ ڕایگه‌یاند: "پێشوازییه‌كی باشیان له‌لایه‌ن حكوومه‌تی عێراقه‌وه‌ لێی كراوه‌ و ئه‌نجامه‌كان جێی ئومێدن".

وتیشی: "شێوازی مووچه‌كه‌ش مانگانه‌ به‌ بڕی 12000000یه‌ك ملیۆن و دوو سه‌د ھه‌زار ده‌بێت بێجگه‌ له‌ ئیمتیازاته‌كانیش".

ھه‌ر له‌ چوارجێوه‌ی ئه‌و كۆنگره‌ روژنامه‌وانیه‌دا كۆمه‌ڵی له‌ زیندانیانی سیاسی و به‌ ناوی ھاورێكانیه‌ویانه‌وه‌ به‌رامبه‌ر به‌و ھه‌وڵانه‌ی داویانه‌ دیاری رێز لێنانیان پێشكه‌ش به‌ وه‌زیری شه‌ھیدان و به‌ڕێوه‌به‌ری گشتی خزمه‌تگوزاری وه‌زاره‌تی شه‌ھیدان كرد.

 

PUKmedia راگه‌یاندنی وه‌زاره‌تی شه‌هیدان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket