باجی سەر جگەرە دوو هێندە زیاد دەكرێت

.

وەزارەتی دارایی هەرێم باجی سەر جگەرە بەڕێژەی 100% زیاد دەكات و نوسراویشی رەوانەی سەرجەم خاڵە سنورییەكان و دەروازە گومرگییەكانی هەرێم كردوە.

بەپێی ئەو نوسراوەی كە بە ژمارە (18974) لە  28ی تشرینی دووەمی رابردوو دەرچووەو ئیمزای رێباز حەملان وەزیری دارایی و ئابوریی حكومەتی هەرێمی لەسەرەو ئاڕاستەی سەرجەم بەڕێوەبەرایەتییە گومرگییەكان كراوەو وێنەیەكی دەست PUKmedia كەوتووە، تیادا دەڵێت: لەبەر بەرژەوەندی گشتی وپاراستنی بەرهەمی ناوخۆ و هاوتاكردنی رەسمی گومرگی جگەرە لە هەردوو گومرگی ناوەندو هەرێمی كوردستان بڕیاردراوە بەزیادكردنی رەسمی گومرگی لەسەر جگەرەی هاوردە.

لەبارەی رێژەی گومرگی جگەرەوەشەوە، دەڵێت: زیادكردنی رەسمی گومرگی بەڕێژەی 100% دەبێت و بڕیارەكەش لە رۆژی 14ی شوباتی ساڵی 2019ەوە دەخرێتە بواری جێبەجێكردنەوە.

رونیشیكردۆتەوە: وەك بەڕێوەبەرایەتی كۆمەڵگای دەروازەی نێودەوڵەتی باشماخ لەژێر رۆشنایی ئەو نوسراوەی وەزارەتی دارایی و ئابوریی حكومەتی هەرێمی كوردستان سەرجەم كۆمپانیاكان و بازرگانان ئەوانەی كاری هاوردەكردنی جگەرە  دەكەن  لەناوەرۆكی نوسراوەكە  ئاگادار دەكەنەوە.

PUKmedia تایبەت